Il-koalizzjoni INDIA fl-Oppożizzjoni ma aċċettatx it-telfa fl-elezzjonijiet għall-Parlament tal-Indja anki jekk hu kważi ċert li Narendra Modi se jmexxi lill-pajjiż mill-ġdid bħala Prim Ministru matul is-snin li ġejjin.
Intant, il-Partit Bharatiya Janata (BJP) ta’ Modi tilef il-maġġoranza assoluta li kellu fil-Parlament għall-ewwel darba f’għaxar snin – bl-Alleanza INDIA, fl-aħħar sigħat, tibgħat l-istqarrijiet li kienet qed tikkunsidra l-pass li jmiss fiċ-ċirkustanzi.
L-Alleanza NDA (li tinkludi l-BJP u partiti oħra) rebħet 293 siġġu li huma aktar mill-272 meħtieġa biex hi tifforma Gvern .
Min-naħa tiegħu, Modi irringrazzja lill-poplu għall-mandat fost il-wiegħdiet li ‘għandu jaħdem biex jelimina l-faqar u l-korruzzjoni f’pajjiżu’.
