Mat-tokki tal-10pm għalqet uffiċjalment il-votazzjoni madwar Malta u Għawdex.
F’dawn is-sigħat, il-kaxxi tal-voti minn diversi postijiet tal-votazzjoni jibdew jaslu fiċ-Ċentru tal-Għadd tal-Voti fin-Naxxar.
Net TV se jkun qed isegwi dak kollu li għaddej fin-Naxxar, b’kollegamenti kontinwi maċ-Ċentru tal-Għadd tal-Voti. Dan filwaqt li fl-istudios għaddejja diskussjoni dwar l-andamenti ta’ dawn l-elezzjonijiet.
Intant, il-proċess tul il-ġurnata kollha kien wieħed mexxej.
Fis-sigħat li ġejjin, Net News jagħti l-ewwel indikazzjoni tat-turnout mhux uffiċjali.
