Tifel ta’ 12-il sena weġġa’ gravi wara li ttajjar minn karozza f’Pembroke.
L-inċident seħħ it-Tlieta filgħodu għall-ħabta tal-11:3,0 fi Triq Alamein, f’Pembroke.
Il-Pulizija marret fil-post u minn investigazzjoni li saret irriżulta li t-tifel intlaqat minn karozza misjuqa minn raġel ta’ 29 sena residenti Pembroke.
Tim mediku mar fil-post sabiex jassisti dan filwaqt li ambulanza ħaditu l-Isptar Mater Dei għall-kura meħtieġa.
Aktar tard huwa ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
