Bormla Subbuteo Club wasal sal-finali tal-Grand Prix ta’ Messina fejn fil-finali li kienet bilanċjata, tilef kontra Barcelona 1-2 . Bormla Subbuteoi Club wasal sal-finali wara li rebħu grupp 1 bħala seed numru 3 fil-klassifika dinjija tat-timijiet. Kien ukoll l-uniku tim barrani minn 13-il tim parteċipant mill-Italja. Rebħa ta’ 3-0 vs Tim B Cosenza, u rebħa ta’ 3-1 kontra Catania u telfa ta’ 1-2 kontra Messina kien biżżejjed biex Bormla rebħu l-grupp u għaddew għas-semifinali fejn iltaqgħu kontra Reggio Calabria fejn rebħu 3-0 u għaddew għall-finali.
Fil-finali Bormla Subbuteo Club sfaw megħluba 2 – 1 minn Barcelona. It-tim kien magħmul minn Jason Pisani , George Ebejer , John Zammit , Josef Camilleri u Thomas Ebejer .
Fil-kompetizzjoni individwal Thomas Ebejer iddomina meta rebaħ il-kategorija ta’ taħt l-20 sena filwaqt li Jason Pisani ddomina l-kategorija Veterani meta fil-finali għeleb 3-2 lil Torano fil-ħin barrani . John Zammit wasal sas-semifinali u fl-Open Kategorija George Ebejer wasal sas semifinali fil-Kategorija Open fejn tilef kontra Sciacca li eventwalment rebaħ il-Kategorija.
Bormla Subbuteo Club aktar tard dan ix-xaħar se jikkompeti fil-Major ta’ Ateni Grecja filwaqt li f’Lulju fil-Gran Prix ta’ Ludwisburg, fil- Ġermanja.
