Il-Qorti Kriminali kkundannat Grieg li jaħdem fl-IGaming għal perjodu ta’ erba’ snin priġunerija u għall-ħlas ta’ multa ta’ €7,000 wara li ammetta li fit-23 ta’ Frar u x-xhur ta’ qabel kien involut fl-importazzjoni ta’ 3kg cannabis permezz ta’ courrier tal-posta.
Chariton Papadas, residenti s-Swieqi kien tressaq il-Qorti fl-24 ta’ Frar ta’ sentejn ilu mill-Ispettur tal-Pulizija Mark Anthony Mercieca flimkien ma’ Ahmed Wali Askarzada mill-Afganistan. Papadas ammetta li mporta ħaxixa tal-cannabis, li kien fil-pusses tagħha pussess f’ċirkostanzi li jindika li d-droga ma kinitx għall-użu personali u kompliċità fl-importazzjoni ta’ l-istess droga. Sieħbu Askarzada waħdu kien mixli wkoll li biegħ id-droga.
Wara l-interċettazzjoni tal-pakkett ta’ 3kg, il-pulizija wettqet kunsinna kkontrollata, biex sabet li l-indirizz speċifikat fuq il-pakkett li kien fil-fatt sit tal-bini. Minn aktar investigazzjonijiet irriżulta li Askarzada kien ħallas ukoll lil terza persuna €100 biex tiġbor il-pakkett, qal l-ispettur.
Sussegwentement kienu ġew imfittxija żewġ indirizzi. Wieħed minnhom kien sit ta’ kostruzzjoni fiż-Żurrieq u l-binja l-oħra, li kienet imniżżla bħala r-residenza ta’ Askarzada, instab li kien tbattal minnu sitt xhur qabel. Garaxx mikri mill-akkużat instab li kien fih parafernali tat-traffikar tad-droga, kif ukoll vettura tal-akkużat.
L-Imħallef Neville Camilleri qal li l-ħati jista jitħallas fix-xahar u pagamenti konsekuttivi ta’ €200, l-ewwel
ħlas li għandu jsir mhux aktar tard minn xahar mil-lum, u jekk dan ma jsirx, il-bilanċ isir immedjatament dovut u għandu jkun ikkonvertit f’perjodu ta’ priġunerija skont il-liġi. Wara li rat u kkunsidrat l-Artikolu 533 tal-Kapitolu 9 tal- Liġijiet ta’ Malta, il-Qorti kkundannat lill-akkużat iħallas l-ammont ta’ €1,377.65ċ fi żmien tliet xhur bħala spejjeż tal-Qorti.
