Nhar il-Ġimgħa 5 ta’ Lulju se jirritorna l-BBC Concert Orchestra f’pajjiżna. Din hija l-ħames
darba li qed jittella’ dan il-kunċert kbir f’pajjiżna, kull sena b’tema differenti.
Din is-sena t-tema hija ‘The Iconic Queens of Soul’, fejn il-pubbliku mistenni jisma’ s-suċċessi miksuba mill-kantanti rinomati femminili tas-Soul bħal Tina Turner, Whitney Houston u Aretha Franklin.
Il-BBC Orchestra Concert ser tkun magħmula minn 70 mużiċist u sitt kantanti. Dan l-istess
kunċert se jkun imxandar ukoll fuq BBC Radio 2, radju li ta’ kuljum jesperjenza medja ta’ 14.2
miljun segwaċi.
Matul is-snin, il-BBC Orchestra Concert kompla kiber fil-prominenza tiegħu fost il-Maltin u
anke t-turisti li jiġu jżuruna matul is-sajf. Dan il-kunċert li se jittella’ Fuq il-Fosos tal-Furjana, se jkun opportunità oħra li permezz tiegħu nkomplu naraw kwalità ogħla fil-prodott turistiku li joffri pajjiżna.
Dan il-kunċert għandu l-appoġġ tal-Awtorità Maltija għat-Turiżmu.
