L-amministrazzjoni tal-MCAST għadha kemm ħarġet sejħa ta’ applikazzjoni għal prinċipal ġdid wara li l-prinċipal Joachim James Calleja ġie mkeċċi mill-pożizzjoni tiegħu.
Dan kollu fl-isfond tal-azzjoni industrijali imposta mill-Union tal-Għalliema li xeħtet kriżi f’ħoġor l-istudenti.
B’rabta mad-direttivi tal-MUT fl-MCAST, id-direttivi ġew sospiżi sabiex l-istudenti jieħdu l-marki tal-eżamijiet tagħhom – għalkemm l-istudenti nfushom stqarrew ma’ Net News li s-sitwazzjoni hija “altru milli solvuta”.
Dan għaliex għad hemm dubbji kbar kemm dwar ir-resits kif ukoll dwar il-vivas.
Informazzjoni oħra li waslet għand Net News hi li l-letturi ntalbu biex jgħaddu l-marki tal-istudenti lill-amministrazzjoni tal-MCAST, iżda s’issa jidher li l-istudenti mhux se jkunu qed jingħataw dawn il-marki.
Il-Partit Nazzjonalista ilu għal dawn l-aħħar ġimgħat jinsisti mal-Gvern sabiex jaġixxi quddiem din is-sitwazzjoni.