Max Verstappen kiseb l-40 Pole Position fil-karriera wara li għeleb lil Lando Norris fil-provi uffiċjali għall-Grand Prix tal-Awstrija. Verstappen li aktar kmieni lbieraħ rebaħ it-tellieqa Sprint, bl-aħjar ħin ta’ 1:04.314 u b’distakk ta’ 0.404 ta’ sekonda minn Lando Norris ta’ McLaren. L-Olandiż kien ilu tliet tlielaq ma jikseb l-aħjar ħin iżda kien l-ewwel f’kull sessjoni ta’ tmiem il-ġimgħa fiċ-ċirkwit ta’ Spielberg.
It-tieni u t-tielet filliera se tkun magħmula minn sewwieqa ta’ Mercedes u Ferrari, b’George Russell u Lewis Hamilton se jibdew qabel Carlos Sainz u Charles Leclerc rispettivament, b’tal-aħħar jagħmel żball fl-aħħar tentattiv tiegħu. Is-sewwieq l-ieħor ta’ McLaren Oscar Piastri għamel it-tielet l-aħjar ħin iżda l-ħin tħassar minħabba li qabeż il-linja taċ-ċirkwit u se jkollu jibda mis-seba’ post.
Aktar kmieni fit-tellieqa Sprint, Verstappen għeleb l-isfida taż-żewġ sewwieqa ta’ McLaren wara li fl-ewwel dawriet kien pressat mhux ftit minn Norris u Piastri biex kiseb tmien punti oħra fil-klassifika. George Russell, Carlos Sainz, Lewis Hamilton, Charles Leclerc u Sergio Perez daħlu fl-ordni u kollha żiedu l-punti fil-klassifika.
Kif se jibdew
1. Max Verstappen (Red Bull) 1:04.314
2. Lando Norris (McLaren) 1:04.718
3. George Russell (Mercedes) 1:04.840
4. Carlos Sainz (Ferrari) 1:04.851
5. Lewis Hamilton (Mercedes) 1:04.903
6. Charles Leclerc (Ferrari) 1:05.044
7. Oscar Piastri (McLaren) 1:05.048
8. Sergio Perez (Red Bull) 1:05.202
9. Nico Hulkenberg (Haas) 1:05.385
10. Esteban Ocon (Alpine) 1:05.883
___________________________________________________
11. Daniel Ricciardo (RB) 1:05.289
12. Kevin Magnussen (Haas) 1:05.347
13. Pierre Gasly (Alpine) 1:05.359
14. Yuki Tsunoda (RB) 1:05.412
15. Fernando Alonso (Aston Martin) 1:05.639
__________________________________________________
16. Alexander Albon (Williams) 1:05.736
17. Lance Stroll (Aston Martin) 1:05.819
18. Valtteri Bottas (Kick Sauber) 1:05.847
19. Logan Sargent (Williams) 1:05.856
20. Zhou Guanyu (Kick Sauber) 1:06.061
