Fl-ewwel kwart tal-2024, il-Gvern irreġistra defiċit ta’ €59.2 miljun. Dan kien ikkonfermat minn ċifri li ħarġu llum mill-NSO.
Meta mqabbel mal-istess perijodu fl-2023, id-dħul sħiħ tal-Gvern żdied b’€278.4 miljun, filwaqt li n-nefqa sħiħa żdiedet b’€90.7 miljun.
Iċ-ċifri jikkonfermaw li fi tmiem l-ewwel kwart ta’ din is-sena, id-dejn tal-Gvern Ġenerali kien ta’ €9,976.2 miljun, li hija żieda ta’ €726.3 miljun fuq l-istess żmien fl-2023.
