Anthony Delia qed iħejji għall-sfida kbira, hekk kif il-Ġimgħa filgħodu, Anthony ser jaqsam minn Marina di Ragusa, Sqallija, sa San Pawl il-Baħar bil-kajjikk għall-karità.
Il-vjaġġ huwa twil madwar 94km, u mistenni jieħu madwar 18 jew 19-il siegħa, dejjem jekk it-temp jippermetti. Huwa se jħalli Sqallija għall-ħabta tas-1am tal-Ġimgħa filgħodu u mistenni jasal bejn it-8 u l-10pm.
L-eks kunsillier ta’ San Pawl il-Baħar u ħu d-deputat Nazzjonalista Adrian Delia, qed jiġbor fondi għall-Fondazzjoni SiGMA, l-Iskejjel għall-Afrika Malta Foundation, u Smiling With Jerome.
Tista’ wkoll tagħti donazzjoni permezz ta’ Revolut fuq 79520171 jew BOV online banking: fuq 99477062.
