Filwaqt li jistennew id-debutt ta’ Giacomo Cannella bħala l-plejer barrani l-ġdid, Sliema Frank Salt komplew bit-triq għar-rebħ anki li issa qed jilagħbu kontra t-timijiet tal-Kampjonat Premier li kienu fil-grupp l-ieħor fil-Fażi Preliminari. Il-bidu b’saħħtu ta’ Sliema ħalla impatt fuq iż-żewġ timijiet hekk kif Valletta kellhom jiġru wara l-avversarji logħba sħiħa.
Sliema bnew vantaġġ bikri ta’ 5-1 iżda dan id-distakk tnaqqar għal 6-4 sal-bidu tat-tieni sessjoni. Risposta immedjata minn Sliema li reġgħu fetħu vantaġġ ta’ 9-4 iżda l-Beltin reġgħu wieġbu u naqqsu d-distakk għal 10-7 sal-bidu tat-tielet sessjoni.
Doppjetta ta’ Dino Zammit reġgħet tefgħet lil Sliema taħt kontroll iżda Valletta baqgħu fil-logħba u sa tmiem it-tielet sessjoni naqqsu d-distakk għal 13-9 biex doppjetta ta’ Ivan Nagaev fl-aħħar sessjoni niżlet il-vantaġġ għal 14-11. Sa nofs l-aħħar sessjoni, il-logħba kienet għadha ftit miftuħa iżda Sliema aċċertaw mit-tliet punti u wessgħu l-marġni tar-rebħa sat-tmiem.
Mill-Ewwel Diviżjoni, Marsaxlokk MFF kisbu rebħa prezzjuża. Kienu Ta’ Xbiex Amigos li marru żewġ gowls minn fuq kmieni fil-logħba iżda Marsaxlokk irkupraw sa tmiem l-ewwel sessjoni b’doppjetta tas-solitu Dusan Vasic. Ix-Xlukkajriħadu vantaġġ ta’ 5-2 sa nofs it-tieni sessjoni iżda dan id-distakk niżel għal 6-5 biss anqas minn żewġ minuti wara, b’Marsaxlokk iżommu gowl vantaġġ sa tmiem is-sessjoni.
It-tielet sessjoni kienet karatterizzata minn botta u risposta b’Ta’ Xbiex iwieġbu kull darba li Marsaxlokk marru żewġ gowls minn fuq. Kien fl-aħħar sessjoni li t-tim ta’ Sasa Misic aċċerta mir-rebħa bi tliet gowls konsekuttivi għal distakk li ma setax jiġi rkuprat.
Marsaskala Optima wettqu reazzjoni fit-tielet sessjoni u rnexxielhom jieħdu rebħa li għal ħafna ħin dehret inċerta. Otters Nivea bdew tajjeb u ħadu vantaġġ ta’ 5-2 bi tliet gowls konsekuttivi fit-tieni parti tal-ewwel sessjoni. It-tim Għawdxi baqa’ jżomm dan id-distakk, b’Marsaskala setgħu biss iwieġbu wara l-gowls tal-avversarji.
B’vantaġġ ta’ 8-5, il-logħba setgħet tmur kull naħa iżda Marsaskala ħadu l-kontroll tal-konfront fit-tielet sessjoni b’Edoardo Manzi jispikka b’erba’ gowls. It-Taljan l-ewwel għen biex Marsaskala marru 9-8 minn fuq u wara li Petar Smiljevic ġab id-draw, wieġeb mill-ewwel. Fil-bidu tal-aħħar sessjoni, Smiljevic reġa’ ġab id-draw sakemm Jake Ciantar skorja dak li fisser il-gowl tar-rebħa.
KAMPJONAT PREMIER
SLIEMA FRANK SALT….. 18
VALLETTA IZIBET………… 13
(6-3), (4-3), (3-3), (6-4)
Sliema: N. Grixti, Z. Mizzi, L. Galea (2), J. Gambin (2), E. Schembri, B. Cachia (3), J. Cutajar (4), D. Rizzo (1), J. Brownrigg, A. Galea (1), S. Engerer (1), D. Zammit (4), M. Castillo, J. Cassar (1)
Valletta: B. Busuttil, M. Mifsud (2), J. Sciberras, S. Busuttil (3), K. Borg (1), M. Zammit (2), I. Nagaev (4), S. Micallef, A. Agius, M. Chircop (1), K. Cremona, A. Bugeja, C. Mercieca
Referees: Alex de Raffaele, Andrea Barretta
L-EWWEL DIVIŻJONI
TA’ XBIEX AMIGOS…….. 12
MARSAXLOKK MFF……. 16
(2-2), (5-6), (3-3), (2-5)
Ta’ Xbiex: J. Micallef, J. Farrugia, V. Figliomeni, L. Grech Carr, F. Scardino (3), M. Jelaca (2), J. Saliba (2), G. Gatt, M. Soler (1), J. Culic, Z. Bartolo, P. Tabone (3), A. Theuma, T. Fenech (1)
Marsaxlokk: M. Farrugia, M. Lanzon (1), A. Cook (1), B. Zammit, T. Agius (1), J. Valletta, R. Spiteri, A. Aquilina, R. Galea (3), J. Borg Tabone (1), D. Vasic (8), R. Attard (1), A. Fava, S. Mifsud
Referees: Andrea Barretta, Ronnie Spiteri
OTTERS NIVEA………………. 10
MARSASKALA OPTIMA… 11
(5-2), (3-3), (1-5), (1-1)
Otters: M. Xerri, M. Bonnici, K. Scicluna (1), T. Milne, M. Meli (1), D. Dimech, I. Azzopardi, S. Dimech, L. Dimech (3), P. Smiljevic (5), M. Farrugia, A. Dimech, M. Grech, T.J. Mifsud
Marsaskala: A. Muscat, D. Ciantar, E. Manzi (6), J. Pace Mizzi (1), M. Carani, R. Greco, K. Navarro, M. Farrugia, K. Grech, G. Sammut, J. Ciantar (4), J. Colombo, M. Borg, M. Agius
Referees: Aldo Rovandi, Stefan Licari
Logħob li jmiss
Il-Ġimgħa: Exiles v Ta’ Xbiex 6.00pm, Sliema v Birżebbuġa 7.15pm, San Ġiljan v Sirens 8.30pm
Is-Sibt: Marsaxlokk v Marsaskala 5.30pm, Barracudas v Otters 6.45pm
Valletta v Neptunes 8.00pm
