Bejn il-Ħadd u t-Tnejn, pajjiżna se jkun qed jintlaqat minn mewġa ta’ sħana. Dan hekk kif it-temperatura massima mistennija titla’ għal 40 grad celcius.
Minkejja li r-riħ f’xi waqtiet tal-ġurnata jaf ilaħħaq saħħa ta’ Forza 4, kollox jindika li s-sħana se tkun qed teskala fil-jiem li ġejjin. U fi tmiem il-ġimgħa se jinħassu sew l-effetti ta’ dawn it-temperaturi.
Anke bil-lejl, it-temperaturi se jibqgħu pjuttost għoljin. Fil-fatt, skont l-uffiċċju Metereoloġiku, l-inqas temperatura filgħaxija se tkun qed titla’ sa 25 grad.
L-Indiċi UV se jkun 10.
Dan it-temp sħun jidher li se jkun qed jestendi fuq il-maġġoranza tal-Mediterran, inkluż fi Sqallija u l-Greċja.
Imbagħad, huwa mistenni li t-temperaturi jtaffu xi ftit matul il-ġurnata tal-Erbgħa.
