Neptunes jirritornaw għar-rebħ… faċli għal San Ġiljan u tliet punti għal Exiles fl-Ewwel Diviżjoni

Neptunes Videoslots irritornaw għar-rebħ wara tliet telfiet konsekuttivi. Minkejja li waslu l-punti, Neptunes kellhom jitħabtu kontra Valletta Izibet li baqgħu qrib l-avversarji kważi sa tmiem il-logħba. Protagonist għal Neptunes kien il-captain Stevie Camilleri. Kif ġara fl-aħħar logħba kontra Sliema, Valletta kienu fi żvantaġġ ta’ 5-1 fl-ewwel sessjoni, 8-3 u 10-5 fit-tieni sessjoni.

Kienet doppjetta ta’ Kieyan Borg fil-bidu tat-tielet sessjoni li bdiet tressaq liż-żewġ timijiet qrib xulxin, bil-Beltin iżommu d-distakk ta’ tliet gowls tul is-sessjoni. Għalkemm Neptunes baqgħu fil-kontroll tal-logħba, il-vantaġġ niżel għal 14-12 b’ħames minuti għat-tmiem u 15-13 bi tliet minuti għat-tmiem. Kien hawn li Neptunes aċċertaw mit-tliet punti.

Fil-logħba l-oħra, iċ-champions San Ġiljan JP Projects ftit tħabtu biex għelbu lil Sirens Build Fitness 15-5. Konfront li fih San Ġiljan qatt ma kienu minn taħt u kkontrollaw kif riedu, bir-reazzjoni ta’ Sirens prattikament ma waslet qatt.

San Ġiljan ħadu vantaġġ ta’ tliet gowls fl-ewwel sessjoni, b’Daniil Merkulov inaqqas id-distakk għal 5-2 b’doppjetta. Il-Ġiljaniżi skorjaw seba’ gowls konsekuttivi bejn it-tieni u t-tielet sessjoni biex aċċertaw mir-rebħa, b’Sirens jillimitaw ftit id-danni fl-aħħar sessjoni.

Fl-Ewwel Diviżjoni, Exiles Welbee’s kisbu t-tieni rebħa konsekuttiva. Id-dwell kontra Ta’ Xbiex Amigos kien missielet sa nofs il-logħba hekk kif wara li Exiles bnew vantaġġ ta’ 3-0 fl-ewwel sessjoni u 5-2 fit-tieni sessjoni, Ta’ Xbiex wieġbu fiż-żewġ okkażjonijiet b’doppjetta ta’ Marko Jelaca u Francesco Scardino rispettivament, b’Exiles xorta baqgħu minn fuq 5-4 fi tmiem it-tieni sessjoni.

Kien fit-tielet sessjoni li Exiles inqatgħu b’ħames gowls li waslu minn ħames plejers differenti. L-uniku risposta waslet minn Luke Grech Carr li kien niżżel id-distakk parzjali għal 8-5. It-tim ta’ Niki Lanzon seta’ jikkontrolla fl-aħħar sessjoni, b’Kurt Griscti u Drasko Gogov issiġillaw ir-rebħa lejn it-tmiem.

KAMPJONAT PREMIER

VALLETTA IZIBET…………….. 14

NEPTUNES VIDEOSLOTS… 17

(2-6), (3-4), (4-2), (5-5)

Valletta: B. Busuttil, M. Mifsud (3), J. Sciberras (1), S. Busuttil (1), K. Borg (2), M. Zammit (1), I. Nagaev (3), S. Micallef, A. Agius, M. Chircop (2), K. Cremona (1), A. Bugeja, C. Mercieca

Neptunes: A. Borg Cole, D. Kholod (5), S. Gialanze (3), G. Pace (1), J. Camilleri, L. Mallia, S. Camilleri (7), M. Castillo, J. Muscat (1), J. Bajada, A. Fenech, E. Mallia, M. Rossi, D. Bugeja

Referees: Alex de Raffaele, Michele Alessandroni

SAN ĠILJAN JP PROJECTS… 15

SIRENS BUILD FITNES………… 5

(5-2), (3-0), (4-0), (3-3)

San Ġiljan: J. Tanti, N. Bugelli (1), D. Tully, R. Caruana (1), A. Younger (2), M. Zammit (2), J. Bonavia (1), B. Plumpton (2), J. Abela (2), N. Zammit (3), D. Zammit, N. Schiavone (1), G. Borg, G. Bonavia

Sirens: J. Parnis, P. Serracino, K. Erdogan, P. Borg, J. Cachia, K. Agius, D. Merkulov (2), I. Riolo, J. Zerafa Gregory (1), G. Farrugia, M. Sciberras (1), M. Azzopardi (1), J. Chircop, M. Ortoleva

Referees: Massimo Angileri, Giuseppe Mazzoccoli

L-EWWEL DIVIŻJONI

EXILES WELBEE’S……….. 13

TA’ XBIEX AMIGOS……… 6

(4-2), (1-2), (5-1), (3-1)

Exiles: Z. Dzanovic, Z. Cutajar Licari (2), Z. Micallef, D. Pace Lupi, M. Martellacci (1), N. Bonavia, D. Gogov (3), K. Griscti (1), N. Paris, K. Tanti (1), M. Fenech (3), N. Saliba (1), G. Galea Curmi, S. Cutajar Casha (1)

Ta’ Xbiex: J. Micallef, J. Farrugia, G. Gatt, L. Grech Car (1), F. Scardino (2), M. Jelaca (3), J. Saliba, M. Naudi, M. Soler, J. Culic, Z. Bartolo, P. Tabone, A. Theuma, T. Fenech

Referees: Giuseppe Mazzoccoli, Richard Magri

Kampjonat Premier

L-Ewwel Diviżjoni

Logħob li jmiss

Is-Sibt 13 ta’ Lulju

Marsaxlokk v Marsaskala 5.30pm, Barracudas v Otters 6.45pm, Sliema v Birżebbuġa 8.00pm