Sliema jibqgħu b’punti massimi… Marsaxlokk u Otters jirbħu fl-Ewwel Diviżjoni

Sliema Frank Salt għadhom b’punti massimi. Din id-darba għelbu lil Birżebbuġa Freeport u komplew il-mument pożittiv anki jekk għadhom jilagħbu mingħajr il-plejer barrani filwaqt li għal din il-logħba kienu mingħajr Dino Zammit.

Is-Slimiżi bdew tajjeb u fetħu vantaġġ ta’ tliet gowls iżda Birżebbuġa naqqsu d-distakk b’doppjetta ta’ Alberto Barroso. Il-vantaġġ Slimiż kiber għal 7-3 sakemm gowls ta’ Miguel Curmi u Barroso naqqsu d-distakk għal żewġ gowls biss.

F’mument fejn kien mistenni li Birżebbuġa jgħollu l-livell tagħhom, Sliema reġgħu ħadu l-kontroll fit-tielet sessjoni u kabbru l-vantaġġ għal 10-5 biex għamluha diffiċli għall-avversarji. Fl-aħħar sessjoni, it-tim ta’ Giannis Katrouzanakis ikkonsolida l-vantaġġ b’Elijah Schembri spikka bi tripletta.

Marsaxlokk MFF saħħew posthom fil-quċċata tal-Ewwel Diviżjoni b’rebħa meritata fuq Marsaskala Optima. Ix-Xlukkajri dejjem kienu ftit aħjar mill-avversarji u qatt ma kienu fi żvantaġġ iżda xorta kellhom bżonn l-aħħar minuti biex aċċertaw mit-tliet punti.

Għajr fil-bidu tal-logħba, Marsaskala ġabu l-iskor indaqs fit-tieni sessjoni qabel Marsaxlokk ħadu vantaġġ ta’ 8-5 b’doppjetta ta’ Julian Valletta u gowl ta’ Ryan Galea. Marsaskala żammew id-distakk ta’ żewġ gowls anki fl-aħħar sessjoni sakemm Valletta u doppjetta ta’ Dusan Vasic aċċertaw ir-rebħa għat-tim immexxi minn Sasa Misic.

F’logħba oħra, Otters Nivea kisbu t-tieni rebħa kontra t-tim tal-qiegħ Barracudas. Logħba bla storja li fiha Otters iddominaw u żiedu l-vantaġġ gradwalment, bit-tim ta’ Barracudas ftit joffri reazzjonijiet għall-gowls tal-avversarji.

Otters għamlu l-pass deċiżiv għar-rebħa fit-tieni parti tat-tieni sessjoni b’doppjetta ta’ Petar Smiljevic li kabbret il-vantaġġ għal 10-4. Matthias Bonnici spikka fit-tielet sessjoni b’doppjetta u fl-aħħar sessjoni Otters kabbru d-distakk bi tripletta ta’ Luigi Dimech u doppjetta oħra ta’ Smiljevic għal rebħa b’vantaġġ ta’ 12-il gowl.

SLIEMA FRANK SALT……….. 14

BIRŻEBBUĠA FREEPORT…… 6

(3-2), (4-3), (3-0), (4-1)

Sliema: N. Grixti, E. Schembri (3), L. Galea, J. Gambin (1), S. Engerer, B. Cachia (2), J. Cutajar (2), D. Rizzo (1), J. Brownrigg (1), A. Galea (3), Z. Mizzi, M. Castillo, J. Cassar (1)

Birżebbuġa: M. Sladden, J. Cauchi, N. Cassar, B. Grech (1), S. Bezzina, M. Manara (1), A. Barroso(3), M. Cassar, D. Farrugia, M. Cutajar, G. Mannino, M. Curmi (1), S. Livori, D. Incorvaja

Referees: Michele Alessandroni, Stefan Licari

MARSAXLOKK MFF………….. 12

MARSASKALA OPTIMA……. 8

(3-2), (1-1), (4-3), (4-2)

Marsaxlokk: M. Farrugia, M. Lanzon, A. Cook, A. Aquilina, T. Agius (1), J. Valletta (3), R. Spiteri, J. Pawley, R. Galea (1), J. Borg Tabone, D. Vasic (6), R. Attard, A. Fava, S. Mifsud (1)

Marsaskala: A. Muscat, D. Ciantar, E. Manzi (5), J. Pace Mizzi (1), M. Carani, R. Greco, K. Navarro, M. Farrugia, K. Grech, G. Sammut (1), J. Ciantar (1), J. Colombo, M. Borg, J. Simpson

Referees: Ronnie Spiteri, Michele Alessandroni

BARRACUDAS………………… 6

OTTERS NIVEA………………. 18

(2-4), (2-6), (1-3), (1-5)

Barracudas: Cl. Bugeja, Ch. Bugeja, N. Farrugia (1), P. Micallef, W. Ruggier, N. Rizzo Naudi, K. Mock, G. Massa, S. Apap (1), M. Guidi (4), L. Pursehouse, C.J. Saliba, C. Borg, T. Camilleri

Otters: M. Xerri, M. Bonnici (2), K. Scicluna, K. Micallef, M. Meli, D. Dimech, I. Azzopardi, S. Dimech, L. Dimech (5), P. Smiljevic (7), M. Farrugia, A. Dimech (3), M. Grech, T.J. Mifsud (1)

Referees: Juana Cauchi, Giuseppe Mazzoccoli

Kampjonat Premier

L-Ewwel Diviżjoni

Logħob li jmiss

It-Tlieta 16 ta’ Lulju: Marsaskala v Exiles 6.00pm, Sirens v Valletta 7.15pm,Birżebbuġa v Neptunes 8.30pm

L-Erbgħa 17 ta’ Lulju: Marsaxlokk v Barracudas 6.00pm, Otters v Ta’ Xbiex 7.15pm, San Ġiljan v Sliema 8.30pm