L-Assoċjazzjoni ta’ Min Iħaddem appellat biex ikun hemm aktar konsultazzjoni dwar il-liġi l-ġdida tas-saħħa u s-sigurtà.
Waqt li l-MEA tikkunsidra l-liġi bħala pożittiva, minħabba li twassal bilanċ aħjar għad-deċiżjonijiet tas-saħħa u s-sigurtà, flimkien mal-prijoritajiet kummerċjali tal-kumpaniji lokali, temmen li sabiex twassal dawn l-għanjiet, il-liġi għandha bżonn tkun aktar ċara man-negozji – speċjalment, liema kumpaniji se jiġu nominati għal uffiċjal tas-sigurtà, u għaliex.
L-MEA mhix konvinta li l-bidliet leġiżlattivi waħedhom jistgħu jindirizzaw il-problemi ewlenin. Anzi, temmen li l-liġi tkun qed iżżid il-piż amministrattiv.
L-MEA ukoll qed tinsisti fuq klawżoli ta’ żvelar tal-impjegati, flimkien ma’ kundizzjonijiet relatati mar-responsabilitajiet tal-impjegati. Qed tippromwovi wkoll l-awtonomija tas-CEO tal-Awtorità.
Għalhekk, tinsisti li hemm bżonn aktar konsultazzjoni għal din il-liġi.
