Din il-ġimgħa li għaddiet rat il-Bajja tal-Balluta ssir ħadra, kif ukoll il-qtugħ tad-dawl li affettwa diversi lokalitajiet, b’impatt dirett kemm fuq is-settur turistiku tagħna kif ukoll fuq ir-residenti lokali. Il-manutenzjoni ġenerali u l-indafa tal-prodott Malti hija tħassib kontinwu. Oqsma oħra tal-prodott Malti esperjenzaw tensjoni sinifikanti, għalkemm mhux daqshekk akuta daqs il-baħar li qed isir aħdar u t-tfixkil tal-provvista tal-elettriku.
L-MHRA hija mħassba li nuqqas ta’ investiment u ppjanar koeżiv biex tiġi indirizzata l-popolazzjoni li dejjem qed tikber bir-residenti u t-turisti f’Malta, li qed iħallu effett fuq il-prodott Malti.
Filwaqt li l-MHRA tirrikonoxxi li m’hemmx soluzzjonijiet faċli jew sempliċi, tisħaq li deċiżjonijiet dwar il-futur ta’ Malta matul il-15-il sena li ġejjin iridu jittieħdu issa u jiġu kkomunikati b’mod ċar lill-istakeholders kollha.
Malta u Għawdex qed jirriskjaw li l-prodott Malti jiżżerżaq ‘l isfel minn inklinazzjoni tiżloq li tagħmel l-irkupru dejjem aktar diffiċli.
