Fost il-kompetizzjonijiet li bdew jumejn qabel iċ-Ċerimonja tal-Ftuħ, kien hemm l-ewwel partiti tal-futbol tal-irġiel, filwaqt li llum jintlagħbu l-ewwel partiti mill-fażi tal-Gruppi tal-futbol tan-nisa.
Dawn huma r-riżultati tal-ewwel logħob:
Grupp A
Guinea: 1 New Zealand: 2
Franza: 3 Stati Uniti: 0
Grupp B
Arġentina: 1 Marokk: 2
Iraq: 2 Ukrajna: 1
Grupp C
Użbekistan; 1 Spanja: 2
Eġittu: 0 Republika Dominikana: 0
Grupp D
Ġappun: 5 Paragwaj: 0
Mali: 1 Iżrael: 1
Ilbieraħ ingħata wkoll bidu għall-kompetizzjoni tar-Rugby 7s li tkompli llum u tasal sal-fażi tal-kwartifinali. Illum jintlgħab ukoll ir-Rawnd Preliminari tal-handball tal-irġiel u nisa filwaqt li jibda wkoll l-isparar bil-qaws bir-ranking individwali tal-kategoriji rġiel u nisa.
Fi Stade Orange Velodrome : Grupp A
Franza: 3 Stati Uniti: 0
Riżultat ta’ 0-0 fi tmiem l-ewwel taqsima. Fil-61 minuta Franza fil-vantaġġ meta minn azzjoni ta’ Michael Olise kien ALEXANDRE LACAZETTE li għeleb lil Patrick Schulte. Ebda reazzjoni mill-Istati Uniti li tmien minuti wara sofrew it-tieni gowl skorjat minn MICHAEL OLISE minn azzjoni ta’ Lacazette. Bil-partita deċiża fil-85 minuta meta l-iskor sar 3 – 0, b’gowl ta’ LOIC BADE’ fuq azzjoni ta’ Joris Chotard.
Fi Stade Geoffrey Guichard: Grupp B
Argentina: 1 Marokk: 2
Marokk fetħu l-iskor minuta minn tmiem l-ewwel taqsima meta minn azzjoni ta’ Achraf Hakimi kien SOUFIANE RAHIMI li għeleb lil Geronimo Rulli għal 1 – 0. L-istess SOUFIANE RAHIMI, fil-51 minuta, minn penalty għeleb lil Rulli għal vantaġġ doppju. Argentina naqqsu l-iskor fit-68 minuta permezz ta’ GIULIANO SIMEONE li minn pass ta’ Julio Soler għeleb lil Memir el Kajoui. Ingħataw 18-il minuta żejda fuq id-90 minuta fejn fis-106 minuta kien Cristian Medina li għeleb lil El Kejoui għal dak li deher draw drammatiku . Madankollu, meta kkonsulta l-VAR, ir-referee ħassar il-gowl fuq offside millimetriku.
F’Parc de Princes: Grupp C
Uzbekistan: 1 Spanja: 2
Spanja marru fil-vantaġġ fid-29 minuta permezz ta’ MARC PUBILL li minn azzjoni ta’ Abel Ruiz għeleb lil Nematov. Kien hemm reazzjoni minn Uzbekistan li fit-tielet minuta ta’ ħin miżjud fi tmiem l-ewwel taqsima kisbu l-gowl tad-draw minn penalty mogħti minn ELDOR SHOMURODOV li għeleb lil Arnau Tenas. Penalty għal Spanja fid-59 minuta b’Nematov isalva b’riġlejħ ix-xutt ta’ Sergio Gomez. Tliet minuti wara SERGIO GOMEZ patta meta minn azzjoni ta’ Juan Miranda li għeleb lil Nematov għat 2 – 1 .
