Fis-7.30pm max-Xmara Seine fiċ-ċentru ta’ Pariġi se jkun qed jingħata bidu għall-Olimpjadi ta’ Pariġi.
Din se tkun l-ewwel darba fl-istorja tal-Olimpjadi tas-Sajf li ċ-ċerimonja tal-ftuħ mhux se tkun qed issir fi stadium. Il-parata tal-atleti se tkun qed issir fix-Xmara Seine permezz ta’ dgħajjes li se jkunu qed iġorru d-delegazzjonijiet ta’ kull pajjiż. Aktar minn 10,500 atleta se jkun qed jieħdu sehem f’dawn l-Olimpjadi li se jibdew mil-lum sal-11 ta’ Awwissu.
Il-kantanti Lady Gaga u Celine Dion se jkunu fost il-protagonisti tas-serata hekk kif mistennija jagħtu spettaklu uniku.
