Prestazzjoni eċċellenti minn Valletta Izibet fissret it-tieni rebħa fil-Kampjonat Premier. Sirens Build Fitness ma kinux fil-forma tas-soltu u kien jimmeritahom li joħorġu fuq in-naħa telliefa, konsegwenza wkoll tal-prestazzjoni tat-tim Belti.
Ironikament kienu Sirens li fetħu vantaġġ ta’ 2-0 iżda Valletta rkupraw u dawru r-riżultat b’erba’ gowls konsekuttivi fosthom doppjetta ta’ Kieyan Borg. Sirens baqgħu qrib l-avversarji fit-tieni sessjoni sakemm Valletta fetħu distakk ta’ 8-4.
Valletta aċċertaw mir-rebħa kmieni fit-tielet sessjoni, b’doppjetta ta’ penalties minn Ivan Nagaev, b’Sirens jitilfu wkoll lil Daniil Merkulov bit-tielet fawl. Sirens dehru demoralizzati biex jippruvaw isalvaw xi ħaġa mil-logħba u baqgħu jikkommettu żbalji banali. Valletta baqgħu jiddominaw anki fl-aħħar sessjoni biex temmew logħba mill-aqwa fuq nota tajba.
Ikomplu fit-triq tar-rebħ Marsaxlokk MFF. Huma komplew jikkonsolidaw posthom bħala l-aħjar tim fl-Ewwel Diviżjoni b’rebħa meritata fuq Marsaskala Optima. Ix-Xlukkajri fetħu tliet gowls vantaġġ iżda Marsaskala rkupraw id-distakk sa tmiem l-ewwel sessjoni. Madankollu meta għamlu l-istess fit-tieni sessjoni, Marsaxlokk bdew jieħdu kontroll tal-logħba.
L-uniku reazzjoni żgħira minn Marsaskala waslet fil-bidu tat-tielet sessjoni iżda minn hemm Marsaxlokk irnexxielhom jiftħu distakk komdu li biha aċċertaw mir-rebħa. Konsolazzjoni għal Marsaskala fl-aħħar sessjoni li bi tliet gowls konsekuttivi għamlu r-riżultat ftit rispettabbli, b’Ryan Galea ssiġilla r-rebħa lejn it-tmiem.
Otters Nivea reġgħu telgħu fit-tielet post tal-Ewwel Diviżjoni b’rebħa kontra Barracudas, tim li minkejja t-telfiet konsekuttivi, qed juri sinjali ta’ titjib. Otters rebħu l-ewwel sessjoni 3-0 b’gowl ta’ Petar Smiljevic u doppjetta ta’ Mark Meli iżda Barracudas wettqu reazzjoni b’saħħitha u għamlu l-iskor 5-5 sa tmiem it-tieni sessjoni, bit-Taljan Mario Guidi u Simon Apap jiskorjaw il-gowls bejniethom.
Hawn kien mistenni minn Barracudas li jsostnu l-prestazzjoni tagħhom iżda Otters reġgħu ħadu l-kontroll tal-logħba u fetħu distakk ta’ 9-5, riżultat li għamilha diffiċli għat-tim ta’ Keith Grima Scott biex jirkupra. Fl-aħħar sessjoni, Otters mhux biss aċċerta mit-tliet punti iżda kabbar il-marġni tar-rebħa b’ħames gowls li waslu minn plejers differenti.
SIRENS BUILD FITNESS….. 7
VALLETTA IZIBET…………… 17
(2-4), (3-5), (1-4), (1-4)
Sirens: M. Bonello DuPuis, P. Serracino, K. Erdogan (1), P. Borg, J. Cachia (2), K. Agius, D. Merkulov (2), I. Riolo (1), J. Zerafa Gregory (1), G. Farrugia, J. Chircop, G. Melillo, J. Parnis, M. Ortoleva
Valletta: B. Busuttil, M. Mifsud, J. Sciberras (4), S. Busuttil (2), K. Borg (2), M. Zammit (1), I. Nagaev (4), S. Micallef (1), A. Agius (1), M. Chircop (2), K. Cremona, A. Bugeja, C. Mercieca
Referees: Ronnie Spiteri, Fabio Brasiliano
L-EWWEL DIVIŻJONI
OTTERS NIVEA………….. 14
BARRACUDAS……………. 6
(3-0), (2-5), (4-0), (5-1)
Otters: M. Xerri, M. Bonnici (1),K. Scicluna, K. Micallef, M. Meli (4), D. Dimech, I. Azzopardi, S. Dimech, L. Dimech (2), P. Smiljevic (4), M. Farrugia, A. Dimech (3), M. Grech, T.J. Mifsud
Barracudas: Cl. Bugeja, A. Falzon, N. Farrugia, P. Micallef, W. Ruggier, R. Sciortino, L. Bowman, J. Schembri Young, S. Apap (2), M. Guidi (4), L. Pursehouse, C.J. Saliba, A. Micallef, T. Camilleri
Referees: Richard Magri, Fabio Brasiliano
MARSAXLOKK MFF……….. 16
MARSASKALA OPTIMA…. 11
(3-3), (5-2), (5-3), (3-3)
Marsaxlokk: M. Farrugia, M. Lanzon (1), A. Cook (1), B. Zammit, A. Aquilina (1), J. Valletta (2), R. Spiteri, J. Pawley, R. Galea (6), J. Borg Tabone, F. Valera (4), R. Attard, A. Fava, S. Mifsud (1)
Marsaskala: A. Muscat, D. Ciantar, E. Manzi (3), J. Pace Mizzi, M. Carani (4), R. Greco, K. Navarro (1), M. Farrugia (1), K. Grech, G. Sammut (1), J. Ciantar (1), J. Colombo, M. Borg, L. Montebello Brownrigg
Referees: Peter Balzan, Alessandro Cavallini
Kampjonat Premier
| L | R | D | T | F | K | Pti | |
| San Ġiljan | 7 | 5 | 2 | 0 | 117 | 67 | 19 |
| Sliema | 7 | 6 | 1 | 0 | 98 | 69 | 19 |
| Sirens | 8 | 4 | 0 | 4 | 78 | 88 | 12 |
| Neptunes | 7 | 3 | 1 | 3 | 86 | 80 | 9 |
| Valletta | 8 | 2 | 0 | 6 | 103 | 119 | 6 |
| Birżebbuġa | 7 | 0 | 0 | 7 | 52 | 111 | 0 |
L-Ewwel Diviżjoni
| L | R | D | T | F | K | Pti | |
| Marsaxlokk | 8 | 8 | 0 | 0 | 129 | 73 | 24 |
| Exiles | 7 | 5 | 0 | 2 | 96 | 68 | 15 |
| Otters | 8 | 4 | 0 | 4 | 86 | 75 | 12 |
| Marsaskala | 8 | 3 | 1 | 4 | 87 | 85 | 11 |
| Ta’ Xbiex | 7 | 2 | 1 | 4 | 71 | 85 | 7 |
| Barracudas | 8 | 0 | 0 | 8 | 54 | 137 | 0 |
Logħob għas-Sibt 27 ta’ Lulju
L-Ewwel Diviżjoni: Exiles v Ta’ Xbiex 5.30pm
Kampjonat Premier: San Ġiljan v Neptunes 6.45pm, Sliema v Birżebbuġa 8.00pm
