Neptunes Videoslots irnexxielhom jieħdu żewġ punti wara rebħa bl-għoti tal-penalties fid-derby tal-Balluta kontra San Ġiljan JP Projects. Neptunes rebħu minkejja li tul il-logħba qatt ma kienu fil-vantaġġ, bit-tielet fawl fil-logħba ta’ Jake Tanti żgur li ħalla impatt psikoloġiku fil-logħba.
San Ġiljan rebħu l-ewwel sessjoni 2-1 b’gowl fl-aħħar sekondi ta’ Nikolai Zammit. Fit-tieni sessjoni l-Ġiljaniżi ħadu l-kontroll u b’erba’ gowls konsekuttivi ħadu vantaġġ ta’ 8-3. Iżda lejn tmiem is-sessjoni, il-gowlkiper ta’ San Ġiljan Jake Tanti ġie fouled-out, episodju li ħalla impatt fuq il-logħba.
Wara li Jake Bonavia kabbar il-vantaġġ għal 9-4 fit-tielet sessjoni, Neptunes daħlu fil-logħba u rnexxielhom inaqqsu d-distakk għal gowl. Dan sakemm gowl mill-isbaħ ta’ Jeremy Abela fl-aħħar sekondi għamilhom 10-8. Neptunes irnexxielhom jirkupraw l-iżvantaġġ darbtejn fl-aħħar sessjoni iżda l-ebda tim ma rnexxielu jiskorja l-gowl tar-rebħa biex il-logħba kellha tkun deċiża bl-għoti tal-penalties.
Stevie Camilleri, Dmitrii Kholod, Jake Muscat, Sam Gialanze u Alec Fenech skorjaw il-penalties ta’ Neptunes filwaqt li Matthew Zammit, Nicholas Bugelli, Aaron Younger u Darren Zammit skorjaw għal San Ġiljan, bl-aħħar penalty ta’ Nikolai Zammit stampa l-wieqfa.
Sliema Frank Salt telgħu waħedhom fl-ewwel post meta kif mistenni għelbu lil Birżebbuġa Freeport. Il-kowċ ta’ Sliema Giannis Katrouzanakis għażel li jagħmel ukoll aktar rotazzjoni fit-tim u fost l-oħrajn ġie utilizzat il-gowlkiper Matthew Castillo.
Sliema fetħu vantaġġ bikri ta’ 3-0, liema vantaġġ kompla jiġi kkonsolidat minkejja li Birżebbuġa wettqu reazzjoni u sa mumenti fit-tieni sessjoni, naqqsu d-distakk għal 8-5. Wara li Birżebbuġa naqqsu d-distakk għal 10-7 fil-bidu tat-tielet sessjoni, Sliema għollew il-livell u aċċertaw mir-rebħa wara li kabbru l-vantaġġ għal 15-8. Fl-aħħar sessjoni, Sliema komplew ikabbru d-distakk, b’Liam Galea jispikka bi tripletta.
Exiles Welbee’s komplew bil-mixja pożittiva, kisbu s-sitt rebħa konsekuttiva u saħħew it-tieni post fl-Ewwel Diviżjoni. Rebħa ta’ 15-8 kontra Ta’ Xbiex Amigos, f’logħba li kkontrollaw mill-bidu sal-aħħar, bi tripletta ta’ Drasko Gogov fl-ewwel sessjoni wittiet it-triq għar-rebħa.
It-tim immexxi minn Niki Lanzon aċċerta mir-rebħa sa mit-tieni sessjoni b’sitt gowls konsekuttivi li kabbru l-vantaġġ għal 9-1, liema vantaġġ kiber għal 11-1 fit-tielet sessjoni. Kien fl-aħħar sessjoni li Ta’ Xbiex, issa taħt it-tmexxija tal-kowċ Zoran Maslovar, għamlu l-iskor ftit rispettabbli, b’Francesco Scardino skorja tripletta f’sessjoni li Ta’ Xbiex rebħuha.
NEPTUNES VIDEOSLOTS….. 11
(2-1), (6-3), (2-4), (1-3)
(Neptunes jirbħu 5-4 bil-penalties)
San Ġiljan: J. Tanti, N. Bugelli, D. Tully, R. Caruana, A. Younger (4), M. Zammit, J. Bonavia (2), J. Zammit, J. Abela (1), N. Zammit (2), D. Zammit (1), N. Schiavone (1), G. Borg, G. Bonavia
Neptunes: A. Borg Cole, D. Kholod (2), S. Gialanze, G. Pace, J. Camilleri, L. Mallia, S. Camilleri (3), M. Castillo, J. Muscat (3), J. Bajada (1), A. Fenech (2), E. Mallia, M. Rossi, D. Bugeja
Referees: Fabio Brasiliano, Alex de Raffaele
SLIEMA FRANK SALT……….. 24
BIRŻEBBUĠA FREEPORT.….. 12
(7-3), (3-2), (6-4), (8-3)
Sliema: N. Grixti, E. Schembri (2), L. Galea (3), J. Gambin (1), G. Cannella (4), B. Cachia, J. Cutajar (2), D. Rizzo (1), J. Brownrigg, S. Engerer, Z. Mizzi (2), D. Zammit (5), M. Castillo, J. Cassar (4)
Birżebbuġa: M. Sladden, M. Aquilina, N. Cassar (3), B. Grech (1), S. Bezzina, M. Manara, A. Barroso (6), M. Cassar, D. Farrugia, M. Cutajar, M. Mannino (1), M. Curmi (1), S. Livori, D. Incorvaja
Referees: Alessandro Cavallini, Stefan Licari
EXILES WELBEE’S……….. 15
TA’ XBIEX AMIGOS……… 8
(3-0), (6-1), (2-1), (4-6)
Exiles: Z. Dzanovic, Z. Cutajar Licari, Z. Micallef, D. Pace Lupi, M. Martellacci (2), N. Bonavia (1), D. Gogov (4), K. Griscti (2), N. Paris, K. Tanti (2), M. Fenech (3), N. Saliba, G. Galea Curmi, S. Cutajar Casha (1)
Ta’ Xbiex: J. Micallef, J. Farrugia, V. Figliomeni, L. Grech Carr (1), F. Scardino (3), M. Jelaca (1), J. Saliba (1), M. Naudi, M. Soler, J. Culic (1), G. Gatt, P. Tabone, A. Theuma, T. Fenech (1)
Referees: Alessandro Cavallini, Juana Cauchi
Kampjonat Premier
| L | R | D | T | F | K | Pti | |
| Sliema | 8 | 7 | 1 | 0 | 122 | 81 | 22 |
| San Ġiljan | 8 | 5 | 3 | 0 | 128 | 78 | 19 |
| Sirens | 8 | 4 | 0 | 4 | 78 | 88 | 12 |
| Neptunes | 8 | 3 | 2 | 3 | 97 | 91 | 12 |
| Valletta | 8 | 2 | 0 | 6 | 103 | 119 | 6 |
| Birżebbuġa | 8 | 0 | 0 | 8 | 64 | 135 | 0 |
L-Ewwel Diviżjoni
| L | R | D | T | F | K | Pti | |
| Marsaxlokk | 8 | 8 | 0 | 0 | 129 | 73 | 24 |
| Exiles | 8 | 6 | 0 | 2 | 111 | 76 | 18 |
| Otters | 8 | 4 | 0 | 4 | 86 | 75 | 12 |
| Marsaskala | 8 | 3 | 1 | 4 | 87 | 85 | 11 |
| Ta’ Xbiex | 8 | 2 | 1 | 5 | 79 | 100 | 7 |
| Barracudas | 8 | 0 | 0 | 8 | 54 | 137 | 0 |
Logħob li jmiss
It-Tlieta 30 ta’ Lulju
Marsaskala v Barracudas 6.00pm, Otters v Ta’ Xbiex 7.15pm, Sliema v Valletta 8.30pm
L-Erbgħa 31 ta’ Lulju
Marsaxlokk v Exiles 6.00pm, San Ġiljan v Sirens 7.15pm, Neptunes v Birżebbuġa 8.30pm
