Il-Korea t’Isfel kompliet is-suċċess tagħha kmieni t-Tnejn filgħodu f’din l-edizzjoni tal-Olimpjadi hekk kif Hyojin Ban rebħet id-deheb fl-isparar tal-Air Rifle mid-distanza ta’ 10m.
Fit-tieni post temmiet iċ-Ċiniża Yuting Huang, madankollu ż-żewġ atleti kisru r-rekord Olimpiku meta akkumulaw total ta’ 251.8 punti kull waħda.
Waslet ukoll l-ewwel midalja Olimpika għall-Iżvizzera f’din l-edizzjoni permezz ta’ Audrey Gogniat li temmet fit-tielet post u rebħet il-Bronż.
