Suċċess għall-Istati Uniti fil-finali għal midalja tal-bronż tal-kategorija tar-Rugby 7s tan-nisa b’rebħa drammatika ta’ 14 – 12 fuq l-Awstralja. Bilanċ assolut sa ftit sekondi minn tmiem il-partita.
Iż-żewġ timijiet kienu 7 – 7 fi tmiem l-ewwel taqsima sabiex wara li l-Awstralja marret 12 – 7 fil-vantaġġ, fl-aħħar sekondi tal-partita, bi try u conversion, dawru l-iskor favur l-Istati Uniti 14 – 12.
Għall Istati Uniti Alex Sedrick u Alev Kelter għamlu seba’ punti kull wieħed filwaqt li għall-Awstralja żewġ punti minn Tia Hinds u għaxra minn Levi Maddison.
