Rowen Camilleri
ĦAMRUN S…………………………0
FC BALLKANI………………………2
Ħamrun S: H. Bonello, J. Corbalan, J. Mbong, L. Montebello, R. Prsa, E. Freitas (Vitao 62’), D. Letherby (S. Attard 62’), J. Corbalan, Mayron (Talison 82’), E. Marcelina (S. Xerri 30’), R. Lopes
FC Ballkani: E. Kolici, A.Potoku, G. Halili, L. Emerllahu, A. Kryeziu, W. Hamidi, M. Ismajlgeci (B. Tolaj 79’), A. Thaqi, B. Karrica (Giovanni 82’), B. Jashanica
Imwissija: E. Freitas 45+3’, R. Prsa 47’, Mayron 75’ (Ħ)
Skorjaw: G. Halili 64’, B. Jashanica 75’ pen (B)
Referee: Michele Beltrano (SMR)
Assistenti Referees: Gian Marco Ercoalni u Ernesto Cristiano (SMR)
Ħamrun Spartans ġew eliminati mit-Tieni Round tal-Conference League meta fit-Tony Bezzina Stadium sfaw megħluba 2-0 miċ-champions tal-Kosovo, FC Ballkani.
Fl-ewwel taqsima Ħamrun kienu tajbin daqs l-avversarji, iżda fit-tieni taqsima, l-Ispartans dehru fiżikament għajjenin u sofrew żewġ gowls, wieħed minnhom minn penalty.
L-ewwel xutt fil-lasta wasal minn Ballkani fis-16-il minuta meta Almir Kyreziu prova minn barra l-kaxxa iżda Bonello laqa’ tajjeb. Mill-azzjoni sussegwenti l-kross ta’ Montebello kien maqlugħ bir-ras mid-difiża, bil-ballun jaqa’ f’saqajn Juan Corbalan li minn tarf il-kaxxa ra x-xutt perikoluż tiegħu jkun devjat f’korner.
Man-nofs siegħa logħob, Ħamrun ħadu daqqa ta’ ħarta meta Emerson Marcelina ma setax ikompli l-partita wara li ħass uġigħ fejn kien mibdul minn Sven Xerri.
L-iskor sa tmiem l-ewwel taqsima baqa’ ma nfetaħx b’Ħamrun dehru ħafna aħjar milli kienu fl-ewwel leg fil-Kosovo.
Ballkani perikolużi darbtejn fit-58 minuta meta l-ewwel kien Kryeziu li daħal fil-kaxxa u ra x-xutt fil-baxx tiegħu ikun milqugħ b’diffikultà minn Bonello, bil-goalkeeper Ħamruniż jerġa’ jilqa’ ftit wara x-xutt minn barra ta’ Queven.
Fl-64 minuta Ballkani jiskorjaw fejn kien pass difettuż ta’ Bonello li spiċċa għand Gentrit Halili li mingħajr ma qagħad jaħsibha prova x-xutt mill-ewwel u għeleb lil Bonello minn tliet kwarti tal-ground.
Ħames minuti wara, żball tad-difensur ta’ Ħamrun Mayron, jisraqlu l-ballun Karrica u jipprova xutt minn qagħda angolata iżda din id-darba Bonello jwettaq save mill-aqwa biex dawwar f’korner.
Fl-74 minuta Ħamrun raw il-kwalifikazzjoni tisfaxxa meta Mayron wettaq penalty fuq Bernard Karrica bl-istess plejer jinkariga mill-penalty u jitfa’ l-ballun naħa u Bonello naħa oħra.
L-isforzi ta’ Ħamrun kienu kollha għalxejn bl-iskor jibqa’ dak ta’ 2-0 favur FC Ballkani li issa jiltaqgħu kontra t-tim mill-Iralanda ta’ Fuq Larne FC.
