Raġel li kisser il-windscreen tal-BMW ta’ sieħbu u u li ħa oġġetti ta’ valur ġewwa l-vettura, nhar l-Erbgħa nżamm arrestat. Hasam Samuel Ezzeldin, Malti ta’ 24 sena minn San Pawl il-Baħar, ġie mixli dwar l-atti ta’ “vendetta” li sussegwentement ammetta li kkommetta biex ipattiha lil sieħbu.
Is-serqa tat-tablet u €150 fi fwieħa mill-karozza seħħet għall-ħabta tat-3am ta’ nhar it-Tlieta, f’San Pawl il-Baħar. Is-suspettat ġie arrestat ftit wara mill-Pulizija tal-Qawra. Huwa ġie skortat il-Qorti nhar l-Erbgħa, fejn wieġeb ħati ta’ ħsara volontarja fuq proprjetà ta’ terzi u serq aggravat.
Huwa ġie mixli wkoll li kiser il-kundizzjonijiet tal-libertà proviżorja li skonthom inħeles mill-arrest fuq akkużi separati f’April, kif ukoll li kiser ordni ta’ probation ta’ tliet snin. Id-difiża ma għamlet l-ebda talba għal libertà proviżorja.
Il-Qorti, ippreseduta mill-Maġistrat Caroline Farrugia Frendo, żammet lill-akkużat taħt arrest sakemm tingħata s-sentenza l-ġimgħa d-dieħla.
L-avukat tal-AĠ Nadia Ciappara u l-Ispettur Godwin Scerri mexxew il-prosekuzzjoni. L-avukat Brandon Kirk Muscat kien l-avukat tal-għajnuna legali għall-akkużat.
