Jake Muscat jispikka f’rebħa meritata għal Neptunes… Marsaskala u Ta’ Xbiex jirbħu fl-Ewwel Diviżjoni

Prestazzjoni mill-aqwa ta’ Jake Muscat għenet lil Neptunes Videoslots jiksbu rebħa fuq Sirens Build Fitness 13-9 li biha spiċċaw il-kampjonat regolari fit-tielet post u jippreparaw għal tliet ġimgħat importanti li fihom jintlagħbu n-knock-out u l-play-offs. Sirens reġgħu naqsu mill-kontinwità fil-prestazzjoni tagħhom.

Sirens kellhom il-vantaġġ tliet darbiet fl-ewwel sessjoni permezz ta’ tripletta minn Daniil Merkulov. Neptunes dawru r-riżultat fit-tieni sessjoni b’Jake Muscat spikka b’erba’ gowls hekk kif it-tim ta’ Aleksander Ciric daħal jistrieħ 7-5 minn fuq.

Sirens irkupraw l-iżvantaġġ fit-tielet sessjoni iżda Neptunes wettqu reazzjoni aħjar u fetħu vantaġġ ta’ 11-7 b’erba’ gowls konsekuttivi fosthom doppjetta ta’ Muscat. Dan id-distakk kien wisq għal Sirens biex jirkupraw, b’Neptunes setgħu jikkontrollaw lill-avversarji tul l-aħħar sessjoni.

Marsaskala Optima kkonfermaw it-tielet post fl-Ewwel Diviżjoni qabel il-bidu tal-play-offs b’rebħa importanti kontra Exiles Welbee’s. It-tieni rebħa konsekuttiva waslet b’wirja kollettiva li fiha Marsaskala urew il-grinta li kienet nieqsa fl-aħħar partiti.

Id-differenza saret fl-ewwel sessjoni b’Marsaskala rebħuha 5-0. Exiles pruvaw jirkupraw iżda l-aktar li resqu kien tliet gowls bogħod. Fit-tielet sessjoni naqqsu d-distakk tliet darbiet iżda f’kull okkażjoni Marsaskala wieġbu mill-ewwel. Kurt Griscti u Keith Tanti naqqsu d-distakk għal 10-7 fl-aħħar sessjoni iżda Jake Ciantar għalaq il-logħba.

Ta’ Xbiex Amigos telgħu fir-raba’ post u possibbilment kisbu post fil-play-offs b’rebħa kontra Barracudas 12-9. Protagonist kien il-veteran Marko Jelaca li skorja nofs il-gowls tat-tim ta’ Zoran Maslovar. Fl-ewwel sessjoni kien poġġa lil Ta’ Xbiex fil-vantaġġ tliet darbiet iżda Barracudas wieġbu f’kull okkażjoni.

Fit-tieni sessjoni, Ta’ Xbiex ħadu l-vantaġġ li riedu b’erba’ gowls mingħajr risposta. Barracudas pruvaw iwettqu reazzjoni fit-tielet sessjoni u naqqsu d-distakk għal 8-5 u għal 10-8 fil-bidu tal-aħħar sessjoni. Kienu żewġ gowls lejn nofs is-sessjoni minn Ayrton Camenzuli u Jacob Saliba li aċċertaw ir-rebħa għal Ta’ Xbiex.

SIRENS BUILD FITNESS……. 9

NEPTUNES VIDEOSLOTS…. 13

(3-2), (2-5), (3-5), (1-1)

Sirens: M. Bonello DuPuis, P. Serracino, K. Erdogan, P. Borg, J. Cachia (1), K. Agius, D. Merkulov (5), I. Riolo (1), J. Zerafa Gregory, G. Farrugia, J. Chircop, M. Azzopardi (1), J. Parnis, M. Ortoleva (1)

Neptunes: A. Borg Cole, D. Kholod (3), S. Gialanze (1), G. Pace, J. Camilleri (1), L. Mallia, S. Camilleri (2), M. Castillo, J. Muscat (6), J. Bajada, A. Fenech, E. Mallia, M. Rossi, D. Bugeja

Referees: Daniele Bianco, Alex de Raffaele

EXILES WELBEE’S……………. 8

MARSASKALA OPTIMA…. 11

(0-5), (2-1), (3-3), (3-2)

Exiles: Z. Dzanovic, Z. Cutajar Licari, Z. Micallef, D. Pace Lupi, M. Martellacci, N. Bonavia, D. Gogov (3), K. Griscti (2), N. Paris, K. Tanti (1), M. Fenech (1), N. Saliba (1), G. Galea Curmi, S. Cutajar Casha

Marsaskala: A. Muscat, D. Ciantar (1), E. Manzi (4), J. Pace Mizzi, M. Carani (1), R. Greco, K. Navarro (2), M. Farrugia, K. Grech, G. Sammut (1), J. Ciantar (2), J. Colombo, M. Borg, L. Montebello Brownrigg

Referees: Daniele Bianco, Peter Balzan

TA’ XBIEX AMIGOS………. 12

BARRACUDAS………………. 9

(3-3), (4-0), (3-3), (2-2)

Ta’ Xbiex: J. Micallef, J. Farrugia (1), V. Figliomeni, L. Grech Carr, F. Scardino (1), M. Jelaca (6), J. Saliba (2), A. Camenzuli (2), M. Soler, J. Culic, G. Gatt, P. Tabone, A. Theuma, T. Fenech

Barracudas: C. Borg, Ch. Bugeja, N. Farrugia (1), P. Micallef, W. Ruggier, R. Sciortino, N. Rizzo, J. Schembri Young, S. Apap, M. Guidi (5), L. Pursehouse (1), C.J. Saliba (1), A. Micallef, G. Massa (1)

Referees: Federico Braghini, Ronnie Spiteri

Kampjonat Premier

L-Ewwel Diviżjoni

Logħob għas-Sibt 3 ta’ Awwissu

Kampjonat Premier – Valletta v Birżebbuġa 5.30pm, San Ġiljan v Sliema 6.45pm

L-Ewwel Diviżjoni – Marsaxlokk v Otters 8.00pm