Ivan Litvinovich rebaħ l-ewwel midalja tad-deheb għall-Belarus f’din l-edizzjoni meta temm fl-ewwel post tal-finali tal-Ġinnastika tat-trampoline.
Il-kumplament tal-podju kien mamul minn żewġ atleti Ċiniżi, Zisai Wang spiċċa fit-tieni post u rebaħ il-fidda, filwaqt li Langyu Yan temm fit-tielet post u rebaħ il-bronż.
Minkejja li r-Renju Unit kompla jżid mal-midalji tad-deheb li rebaħ s’issa din id-darba permezz ta’ Bryony Page fil-finali tal-Ġinnastika tat-trampoline tan-nisa, l-attenzjoni kollha marret fuq Viyaleta Bardzilouskaya li temmiet fit-tieni post u rebħet l-ewwel midalja tal-Belarus f’din l-edizzjoni.
Fit-tielet post temmiet il-Kanadiża Sophiane Methot.
