SAN ĠILJAN JP PROJECTS….. 17
SLIEMA FRANK SALT………….. 12
(5-4), (4-3), (4-3), (4-2)
Dikjarazzjoni minn San Ġiljan JP Projects li jinsabu preparati biex fil-play-offs jiddefendu b’suċċess il-kampjonat mirbuħ is-sajf li għadda. F’konfront dirett kontra l-eqreb rivali Sliema Frank Salt, il-Ġiljaniżi ħarġu rebbieħa b’wirja kollettiva mill-aqwa u temmew il-kampjonat regolari fil-quċċata. L-Awstraljan Aaron Younger spikka mhux biss bil-gowls iżda bl-intelliġenza tul il-logħba.
San Ġiljan bnew vantaġġ ta’ 4-1 fl-ewwel sessjoni u wara li tkeċċa b’mod permanenti Matthew Zammit minħabba daqqa, Sliema rnexxielhom jirkupraw id-distakk sakemm Aaron Younger ħalla lil San Ġiljan 5-4 fi tmiem l-ewwel sessjoni. Id-distakk kiber għal 8-4 fit-tieni sessjoni iżda Sliema rnexxielhom inaqqsu d-distakk għal 9-7 sa tmiem is-sessjoni.
Il-Ġiljaniżi reġgħu ħarġu tajjeb fit-tielet sessjoni u kabbru l-vantaġġ għal 11-7 b’gowls ta’ Darren Zammit u Younger. Sliema reġgħu wettqu reazzjoni u naqqsu d-distakk għal 11-10 b’anqas minn minuta u nofs minn tmiem is-sessjoni. Madankollu San Ġiljan skorjaw darbtejn fl-aħħar minuta u bdew l-aħħar sessjoni 13-10.
Id-distakk baqa’ ta’ tliet gowls b’madwar nofs sessjoni għat-tmiem sakemm Younger u wara Jeremy Abela aċċertaw mir-rebħa, b’San Ġiljan jikkontrollaw sat-tmiem għal rebħa li sservi biex jgħollu l-moral għall-aktar fażi kruċjali tal-istaġun. Fil-play-offs, San Ġiljan jilagħbu kontra Sirens u Sliema jilagħbu kontra Neptunes.
San Ġiljan: J. Tanti, N. Bugelli, D. Tully, R. Caruana (1), A. Younger (7), M. Zammit (2), J. Bonavia (2), A. Formosa, J. Abela (1), N. Zammit (2), D. Zammit (2), N. Schiavone, G. Borg, G. Bonavia
Sliema: N. Grixti, E. Schembri, L. Galea (1), J. Gambin (1), G. Cannella (4), B. Cachia (1), J. Cutajar (2), D. Rizzo, J. Brownrigg (1), A. Galea, Z. Mizzi (1), D. Zammit (1), M. Castillo, J. Cassar
Referees: Daniele Bianco, Massimo Angileri
VALLETTA IZIBET…………….. 14
BIRŻEBBUĠA FREEPORT….. 8
(4-1), (3-3), (3-1), (4-3)
Valletta Izibet temmew l-impenji fil-Kampjonat Premier b’rebħa meritata fuq Birżebbuġa Freeport u kkonfermaw li kienu l-ħames l-aħjar tim f’dan l-istaġun. Protagonist is-solitu Ivan Nagaev li baqa’ punt ta’ riferiment fit-tim Belti.
Valletta skorjaw erba’ gowls konsekuttivi fl-ewwel sessjoni u bnew vantaġġ ta’ 4-1. Birżebbuġa naqqsu d-distakk għal 4-3 fit-tieni sessjoni iżda t-tim ta’ Joe Cremona skorja tliet darbiet wara xulxin u reġa’ bena vantaġġ komdu.
Id-distakk kompla jikber fit-tielet sessjoni, b’Valletta jaċċertaw mir-rebħa b’vantaġġ ta’ 10-4. Birżebbuġa pruvaw jidħlu fil-logħba u resqu tliet gowls bogħod fl-aħħar sessjoni iżda kien tard wisq biex jevitaw it-telfa, b’Valletta jissiġillaw ir-rebħa lejn it-tmiem u spiċċaw rebbieħa b’vantaġġ ta’ sitt gowls.
Valletta: B. Busuttil, M. Mifsud (3), J. Sciberras (2), S. Busuttil (1), K. Borg (1), M. Zammit (1), I. Nagaev (6), S. Micallef, A. Agius, M. Chircop, K. Cremona, A. Bugeja, C. Mercieca
Birżebbuġa: M. Sladden, M. Aquilina, N. Cassar, B. Grech, S. Bezzina, M. Manara (1), A. Barroso (5), M. Cassar, D. Farrugia, M. Cutajar, M. Mannino (1), M. Curmi (1), S. Livori, D. Incorvaja
Referees: Federico Braghini, Richard Magri
L-EWWEL DIVIŻJONI
MARSAXLOKK MFF……….. 14
OTTERS NIVEA……………….. 11
(3-3), (6-1), (2-1), (3-6)
Marsaxlokk MFF għalqu l-impenji fil-kampjonat regolari b’għaxar rebħiet minn għaxar logħbiet b’rebħa oħra, din id-darba 14-11 kontra Otters Nivea. Dan ir-riżultat fisser li Otters fallew milli jiksbu post fil-play-offs hekk spiċċaw punt wara Ta’ Xbiex li kklassifikaw fir-raba’ post.
L-uniku darba li Otters kellhom vantaġġ kien fl-ewwel sessjoni meta kienu 2-1 minn fuq. Id-differenza prinċipali seħħet fit-tieni sessjoni hekk kif Marsaxlokk skorjaw erba’ gowls konsekuttivi u fetħu distakk ta’ 9-4, liema distakk kiber għal 11-5 fit-tielet sessjoni. Otters pruvaw rimonta diffiċli fl-aħħar sessjoni iżda l-ħames gowls konsekuttivi wassluhom biss għal tliet gowls bogħod mill-avversarji.
Marsaxlokk: M. Farrugia, M. Lanzon (1), A. Cook (2), A. Aquilina, T. Agius, J. Valletta (3), R. Spiteri, J. Pawley, R. Galea (2), J. Borg Tabone, F. Valera (4), R. Attard, A. Fava (1), S. Mifsud (1)
Otters: M. Xerri, M. Bonnici, K. Scicluna, K. Micallef, M. Meli (2), D. Dimech, T. Milne, S. Dimech, L. Dimech (4), P. Smiljevic (5), M. Farrugia, A. Dimech, M. Grech, T.J. Mifsud
Referees: Federico Braghini, Stefan Licari
Kampjonat Premier
| L | R | D | T | F | K | Pti | |
| San Ġiljan | 10 | 7 | 3 | 0 | 163 | 97 | 26 |
| Sliema | 10 | 8 | 1 | 1 | 150 | 109 | 25 |
| Neptunes | 10 | 5 | 2 | 3 | 125 | 112 | 18 |
| Sirens | 10 | 4 | 0 | 6 | 94 | 119 | 12 |
| Valletta | 10 | 3 | 0 | 7 | 128 | 143 | 9 |
| Birżebbuġa | 10 | 0 | 0 | 10 | 84 | 164 | 0 |
Play-Offs – Kampjonat Premier
San Ġiljan v Sirens, Sliema v Neptunes
L-Ewwel Diviżjoni
| L | R | D | T | F | K | Pti | |
| Marsaxlokk | 10 | 10 | 0 | 0 | 160 | 98 | 30 |
| Exiles | 10 | 6 | 0 | 4 | 133 | 104 | 18 |
| Marsaskala | 10 | 5 | 1 | 4 | 114 | 108 | 17 |
| Ta’ Xbiex | 10 | 4 | 1 | 5 | 103 | 116 | 13 |
| Otters | 10 | 4 | 0 | 6 | 104 | 101 | 12 |
| Barracudas | 10 | 0 | 0 | 10 | 78 | 165 | 0 |
Play-Offs – I Diviżjoni
Marsaxlokk v Ta’ Xbiex, Exiles vs Marsaskala
Logħob li jmiss
BOV KO – I Diviżjoni
It-Tnejn: Marsaskala v Ta’ Xbiex 7.15pm, Exiles v Barracudas 8.30pm
BOV KO – Kampjonat Premier
It-Tlieta: Birżebbuġa v San Ġiljan 7.15pm, Sliema v Valletta 8.30pm
