MARSASKALA OPTIMA…….. 15
TA’ XBIEX AMIGOS…………… 8
(5-2), (4-1), (4-4), (2-1)
Marsaskala Optima eliminaw lil Ta’ Xbiex Amigos mill-BOV Knock-Out tal-Ewwel Diviżjoni b’rebħa meritata. Din kienet l-ewwel rebħa tas-sajf fil-ħin regolamentari kontra Ta’ Xbiex wara rebħa bl-għoti tal-penalties filwaqt li Ta’ Xbiex rebħu l-konfront l-ieħor. Il-protagonist tal-logħba kien Edoardo Manzi li waħdu skorja tmien gowls.
Huma kellhom bidu simili kif kellhom kontra Exiles fl-aħħar logħba tal-kampjonat u ħadu vantaġġ ta’ erba’ gowls. Ta’ Xbiex ippruvaw jidħlu fil-logħba iżda Manzi spikka b’erba’ gowls fit-tieni sessjoni u kabbar il-vantaġġ ta’ Marsaskala għal 9-3.
Ta’ Xbiex naqqsu d-distakk għal 10-6 u baqgħu b’ċans li jwettqu rimonta diffiċli. Madankollu żewġ gowls minn Mark Catani u Jamie Pace Mizzi aċċertaw mir-rebħa għal Marsaskala, bit-tim ta’ Arpad Babay seta’ jikkontrolla l-logħba fl-aħħar sessjoni. Fis-semifinali Marsaskala jilagħbu kontra Otters Nivea.
Marsaskala: A. Muscat, D. Ciantar (1), E. Manzi (8), J. Pace Mizzi (2), M. Carani (1), R. Greco, K. Navarro, M. Farrugia, K. Grech, G. Sammut (1), J. Ciantar (2), M. Agius, M. Borg, L. Montebello Brownrigg
Ta’ Xbiex: J. Micallef, J. Farrugia (1), V. Figliomeni, L. Gech Carr, F. Scardino (1), M. Jelaca (1), J. Saliba, A. Camenzuli (2), M. Soler (1), J. Culic (1), G. Gatt, P. Tabone (1), A. Theuma, T. Fenech
Referees: Fabio Brasiliano, Juana Cauchi
EXILES WELBEE’S…………. 15
BARRACUDAS………………. 8
(2-0), (6-2), (3-5), (4-1)
Exiles Welbee’s se jilagħbu s-semifinali tal-BOV Knock-Out tal-Ewwel Diviżjoni kontra l-favoriti Marsaxlokk MFF wara t-tielet rebħa kontra Barracudas f’dan is-sajf. Exiles dejjem kellhom il-kontroll tal-logħba u ma kinitx sorpriża li ħarġu rebbieħa. B’dan ir-riżultat, intemm l-istaġun għal Barracudas. Minkejja li spiċċaw telliefa f’kull logħba li lagħbu, l-aħħar prestazzjonijiet għandhom iservu ta’ tama għal riżultati aħjar is-sena d-dieħla.
Drasko Gogov u Shailon Cutajar Casha taw vantaġġ doppju lil Exiles fl-ewwel sessjoni, liema vantaġġ kiber għal 7-1 u 8-2 fit-tieni sessjoni. Minkejja d-distakk, Barracudas xorta pruvaw jibqgħu fil-logħba u fit-tielet sessjoni naqqsu d-distakk għal 10-5 u 11-7 rispettivament. Madankollu Exiles aċċertaw mir-rebħa fl-aħħar sessjoni u sabu l-ħin biex kabbru l-marġni tar-rebħa.
Exiles: Z. Dzanovic, Z. Cutajar Licari (1), Z. Micallef, D. Pace Lupi (2), M. Martellacci, D. Gogov (4), K. Griscti (1), N. Paris (3), K. Tanti (2), M. Fenech, N. Saliba, G. Galea Curmi, S. Cutajar Casha (2)
Barracudas: C. Borg, C. Bugeja (1), L. Bowman (1), P. Micallef (1), W. Ruggier, R. Sciortino, N. Rizzo, J. Schembri Young (1), S. Apap, M. Guidi (2), L. Pursehouse, C.J. Saliba, A. Micallef, G. Massa (2)
Referees: Attilio Paoletti, Richard Magri
Logħob li jmiss
It-Tlieta 6 ta’ Awwissu
KO Kampjonat Premier
Birżebbuġa vs San Ġiljan 7.15pm, Sliema vs Valletta 8.30pm
L-Erbgħa 7 ta’ Awwissu
KO I Diviżjoni
Marsaskala vs Otters 6.15pm, Exiles vs Marsaxlokk 7.30pm
