Wara l-prestazzjoni sodisfaċenti tiegħu fil-Parallel Bars fejn rebaħ il-Bronż, Oka Shinnosuke kompla l-ġurnata bit-tajjeb hekk kif ftit minuti wara rebaħ it-tielet midalja tad-deheb f’din l-edizzjoni meta temm fl-ewwel post bl-iskor ta’ 14.533.
Il-midalja tal-fidda marret għand Angel Barjas, li rebaħ l-ewwel midalja fl-istorja għall-Kolombja fil-Ġinnastika bl-istess skor ta’ Oka, madankollu l-Ġappuniż jirbaħ fit-tie breaker.
Fit-tielet post temmew iċ-Ċiniż Zhang Boheng u Tang Chia Hang li ġabu l-istess ammont ta’ punti.
