Ilbieraħ, għall-ħabta tal-23:30, il-Pulizija ġiet infurmata li kien hemm bżonn l-assistenza fi Triq il-Modd, is-Swieqi.
Il-Pulizija marret fil-post u mill-ewwel stħarriġ irriżulta li kien qam argument bejn Ukren ta’ 27 sena, Ukren ta’ 32 sena, Serb ta’ 33 sena residenti s-Swieqi u Serb ieħor ta’ 31 sena residenti s-Swieqi wkoll. Waqt dan l-argument allegatament ġie użat martell u s-Serbi ħarbu minn fuq il-post.
Tim mediku ta l-assistenza lill-Ukreni fejn ittieħdu l-Isptar Mater Dei b’ambulanza għal aktar
kura. Aktar tard, il-persuna ta’ 27 sena ġiet iċċertifikata bi ġrieħi gravi filwaqt li l-ieħor ġie ċċertifikat bi
ġrieħi ta’ natura ħafifa.
Matul l-investigazzjonijiet tal-Pulizija, is-Serbi ġew arrestati fir-residenza fis-Swieqi. Mill-istess residenza ġew elevati wkoll numru ta’ oġġetti.
L-investigazzjonijiet tal-Pulizija għadhom għaddejjin.
