Fuq il-bajja ta’ Florida Keys kien hemm sejba mhux tas-soltu. Dan hekk kif instabu pakketti bid-droga kokaina, li huma stmati li għandhom valur fis-suq ta’ miljun dollaru Amerikan.
Din is-sejba seħħet wara li għaddiet il-qilla tal-urugan Debby.
L-awtoritajiet lokali qed jgħidu li kien hemm “sammaritan tajjeb” li sab dawn il-pakketti u għaddihom lill-Pulizija. Wara, skoprew li fihom kien hemm id-droga.
Il-pakketti bid-droga nstabu f’borza, li kienet qalb alka, ħmieġ u ġebel li tkaxkar mill-maltemp qawwi li ħakem iz-zona jumejn ilu.
L-urugan Debby issa naqqas mis-saħħa, u ġie klassifikat bħala maltempata tropikali.
