ĦAMRUN S ………………. 1
MARSAXLOKK ………….. 1
(Ħamrun rebħu 4-3 bil-penalties)
Ħamrun Spartans kellhom bżonn l-għoti tal-penalties biex għelbu lil Marsaxlokk u saru l-ewwel finalisti tal-ewwel edizzjoni tal-Pre Season Summer Cup 2024.
Kienu Marsaxlokk li marru kmieni fil-vantaġġ wara biss tliet minuti b’goal ta’ Nikola Raden.
Il-goal tad-draw tal-Ispartans wasal fit-62 minuta permezz ta’ Luke Montebello. Bir-riżultat ma jinbidilx il-logħba kellha tkun deċiża bl-għoti tal-penalties.
Għal Ħamrun skorjaw Luke Montebello, Joseph Mbong, Wendel Gomes, u Talison, filwaqt li Manarin falla l-penalty tiegħu.
Għax-Xlukkajri skorjaw Messias, Raden, u Nikolai Muscat, filwaqt li fatali kienu l-iżbalji ta’ Gomes u Aguirre.
It-tieni semifinali tintlagħab għada bejn Sliema Wanderers u Floriana
Ritratt: Joseph Galea
