Qunicy Hall tal-Istati Uniti għeleb kull sfida fil-finali tal-400 metru meta rebaħ il-midalja tad-deheb b’ħin ta’ 43:40 biex rebaħ it-titlu. Matthew Hudson-Smith tal-Gran Brittanja temm fit-tieni post b’ħin ta’ 43.44 biex rebaħ il-midalja tal-fidda filwaqt li Muzala Samukonga taz-Żambja rebaħ il-Bronż b’ħin ta’ 43:74. Hall daħal għal dawn il-Logħob Olimpiku bħala ir-rebbieħ tat-trial fl-Istati Uniti u bir-ranking tal-ewwel wieħed fid-dinja, iżda l-aktar ħin veloċi ta’ din is-sena kien minn Hudson-Smith.
