Tork ta’ 36 sena residenti Birżebbuġa, weġġa’ wara li waqa’ madwar żewġ sulari waqt li kien qiegħed jaħdem f’kunvent. L-inċident seħħ illum għall-ħabta tal-għaxra u kwart ta’ filgħodu, fi Triq Idmejda, Ħal Balzan.
Fuq il-post issejħu tim mediku u l-membri mid-Dipartiment tal-Protezzjoni Ċivili sabiex jassistu, u ambulanza ħadet lir-raġel l-Isptar Mater Dei għall-kura.
Iktar tard, huwa ġie ċċertifikat bi ġrieħi gravi. L-investigazzjonijiet tal-Pulizija u tal-Awtorità għas-Saħħa u s-Sigurtà Fuq il-Post tax-Xogħol għadhom għaddejjin.
