It-tim tan-nisa tal-Istati Uniti komplew juru għalfejn huma kkunsidirati fost l-aqwa timijiet fil-futbol tan-nisa fid-dinja meta għelbu lill-Brażil fil-finali tal-futbol tan-nisa bl-iskor minimu ta’ 1-0.
Il-gowl tar-rebħa wasal fis-57 minuta mill-attakkant ta’ Chicago Red Stars Mallory Swanson.
Kienet partita pjuttost bilanċjata hekk kif iż-żewġ timijiet kellhom tlett xuttijiet lejn il-lasta, filwaqt li l-Brażil kellhom ftit iktar pussess tal-ballun b’57%, bl-Istati Uniti jkollhom 43%.
