Tkompla s-suq tat-transferimenti għal West Ham, li s’issa akkwistaw numru ta’ plejers ta’ kalibru għoli, fosthom Summervile, Fullkrug, Todibo, Guilherme, Kilman, Foderingham u r-rebbieħ tat-Tazza tad-Dinja Rodriguez. West Ham issa akkiwstaw anke l-eks difensur laterali ta’ Crystal Palace Aaron Wan-Bissaka mingħand Manchester United għas-somma ta’ €18-il miljun.
Id-difensur iffirma kuntratt ta’ 7 snin li se jżomm il-plejer mal-Hammers sa’ 2031.
Wan-Bissaka iffirma mar-Red Devils lura fl-2019, fejn f’5 snin huwa akkumula total 190 preżenza, u sab ix-xibka fuq żewġ okkażjonijiet. Fil-ħin tiegħu ma’ Manchester United huwa rebaħ il-EFL Cup fl-2023, u l-FA Cup fl-2024.
Aaron Wan-Bissaka, li twieled ġewwa Londra, stqarr fil-kummenti inizjali li jinsab kuntent li se jirritorna fil-kapitali u fejn trabba meta kien iżgħar.
