Stewart Said
NEPTUNES VIDEOSLOTS…… 11
SLIEMA FRANK SALT………… 16
(3-4), (3-7), (4-3), (1-2)
Sliema Frank Salt se jkunu l-isfidanti ta’ San Ġiljan fil-finali tal-play-offs f’dik li se tkun ripetizzjoni tal-finali tan-knock-out. Determinanti għal darba oħra kien it-Taljan Giacomo Cannella li spikka f’mumenti importanti tal-logħba li xeqilbu l-miżien favur it-tim ta’ Giannis Katrouzanakis. Għal Neptunes din hi t-tielet sena li spiċċaw l-istaġun mingħajr unur u dan ir-riżultat għandu jwassal għal evalwazzjoni ta’ dak li mhux qed jiffunzjona fit-tim.
Għalkemm Neptunes fetħu tajjeb u kisbu vantaġġ doppju, Sliema rkupraw dawru r-riżultat għal 4-2, vantaġġ li qatt ma tilfuh fil-partita. Il-vantaġġ tas-Slimiżi kiber għal 8-3 lejn nofs it-tieni sessjoni b’Giacomo Cannella jispikka bi tripletta f’nofs sessjoni.
Il-vantaġġ ta’ ħames gowls baqa’ sa tmiem is-sessjoni iżda Neptunes wettqu reazzjoni fit-tielet sessjoni u naqqru l-vantaġġ għal 11-9 b’gowls ta’ Mark Castillo, Jake Muscat u Stevie Camilleri. Madankollu pronta kienet ir-reazzjoni ta’ Sliema li b’doppjetta ta’ Cannella u gowl ta’ Dino Zammit reġgħu bnew il-vantaġġ ta’ ħames gowls li għamilha diffiċli għal Neptunes biex jirkupraw.
Neptunes baqgħu jippruvaw fl-aħħar sessjoni iżda meta Andreas Galea żied il-vantaġġ għal 15-11, it-tamiet ta’ Neptunes sfaxxaw. Benji Cachia ssiġilla r-rebħa bil-gowl tas-16-11 fl-aħħar minuta. Sliema jilagħbu l-ewwel finali tal-play-off kontra San Ġiljan it-Tnejn fis-7.30pm.
Neptunes: A. Borg Cole, D. Kholod (1), S. Gialanze (1), G. Pace, J. Camilleri (1), L. Mallia, S. Camilleri (2), M. Castillo (2), J. Muscat (4), J. Bajada, A. Fenech, E. Mallia, M. Rossi, D. Bugeja
Sliema: N. Grixti, E. Schembri (1), L. Galea (1), J. Gambin, G. Cannella (7), B. Cachia (2), J. Cutajar, D. Rizzo, J. Brownrigg, A. Galea (2), Z. Mizzi, D. Zammit (3), M. Castillo, J. Cassar
Referees: Massimo Angileri, Luca Bianco
Logħob li jmiss
It-Tnejn
I Diviżjoni – Play-Off 1
Marsaxlokk vs Exiles 6.15pm
Kampjonat Premier – Play-off 1
San Ġiljan vs Sliema 7.30pm
