Il-vara ta’ Santa Marija tal-Imġarr ta’ din is-sena se tintrefa’ fil-purċissjoni għas-somma ta’ €40,200, żieda sostanzjali mill-offerta li ngħatat is-sena li għadiet dik, ta’ €15,000.
Din it-tradizzjoni tmur lura għal meta l-vara ta’ Santa Marija tal-Imġarr inġiebet minn Marsilja fi Franza lejn Malta fl-1922.
Din is-sena kien hemm tliet gruppi li ressqu l-offerti, waqt li ġeneralment ikun hemm żewġ gruppi li jibdew joffru somma wara oħra sakemm xi ħadd minnhom iċedi.
Il-flus offruti jmorru għall-bżonnijiet tal-Parroċċa.
