Tard ilbieraħ filgħaxija, faqqset it-tieni bejta tal-fkieren li kienet tinsab fil-bajja tal-Mixquqa, f’Għajn Tuffieħa.
Jidher li kien wara l-11pm meta l-volontieri bdew jaraw l-ewwel sinjali tal-fkieren jippruvaw joħorġu minn taħt ir-ramel.
Huwa stmat li b’kollox din il-bejta diġà produċiet 35 fekruna. Għalkemm fis-sigħat ta’ wara kompla għaddej il-monitoraġġ sabiex ikun żgurat li l-proċess ikun komplut kollu.
L-ewwel bejta tal-fkieren għal dan l-istaġun kienet faqqset il-ġimgħa li għaddiet, u minnha kienu ħarġu 44 fekruna.
Apparti minn hekk, fadal sitt bejtiet oħra – erbgħa’ f’Malta u erbgħa f’Għawdex. Bit-total ta’ tmien bejtiet ikun rekord għal dan is-sajf.
