L-Aġenzija Internazzjonali għall-Integrità tat-Tennis, ħabbret li neħħiet kull dubju ta’ att irregolari ta’ test għad-doping fil-konfront tan-numru wieħed fid-dinja tat-tennis Jannik Sinner b’rabta ma testijiet li sarulu kmieni fl-istaġun.
Sinner ipprovda kampjun fil-kompetizzjoni fl-Indian Wells Masters fl-10 ta ‘Marzu 2024 li kien fih il-preżenza ta’ metabolit ta ‘clostebol f’livelli baxxi. Kampjun ieħor, li sar tmint ijiem wara barra mill-kompetizzjoni, ittestja wkoll pożittiv għal livelli baxxi tal-istess metabolit.
L-Agenzija kkonfermat li tribunal indipendenti msejjaħ minn Sport Resolutions iddeċieda li t-tennista Taljan Jannik Sinner m’għandux ħtija jew negliġenza għal żewġ Vjolazzjonijiet ta’ Regoli ta’ Kontra d-Doping taħt il-Programm ta’ Kontra d-Doping tat-Tennis .
Jannik spjega li s-sustanza kienet daħlet fis-sistema tiegħu bħala riżultat ta’ kontaminazzjoni minn membru tat-tim li kien qed japplika spray over-the-counter disponibbli fl-Italja li fih clostebol fuq il-ġilda biex jikkura ferita żgħira.
L-Agenzija kkonfermat li l-membru tat-tim ta’ appoġġ inkwistjoni kien applika l-ispray bejn il-5 u t-13 ta’ Marzu li matulu pprovda wkoll massaġġi ta’ kuljum u terapija sportiva lil Sinner, li rriżultat fil-kontaminazzjoni.
Filwaqt li Jannik Sinner tneħħa minn kull att ħażin, se jitneħħew ir-riżultati tiegħu, il-premju fi flus u l-punti tal-klassifika minn Indian Wells, skont ir-regoli kontra d-doping.
//= $special ?>