It-tielet u l-aħħar tiġrija tas-Serje annwali tal-BSJ 5k Road Running, imtella’ minn Birkirkara St Joseph Sports Club, intrebħet minn Charlton Debono li rebaħ it-tlielaq kollha tas-Serje.
Minkejja li ffaċċja kompetizzjoni qawwija minn Mario Grech, Tommy Wallbank, u Christian Micallef, Debono rnexxielu jegħleb lir-rivali tiegħu u jassigura t-titlu tas-Serje.
L-aħħar tellieqa, reġgħet kienet battalja bejn Debono u Grech, li b’mod konsistenti kienu ppreżentaw sfida sinifikanti matul is-serje. Minkejja l-isforzi tiegħu Grech spiċċa fit-tieni post, b’Tommy Wallbank jieħu t-tielet post.
Il-podju overall tas-Serje kien magħmul minn Charlton Debono, segwit minn Mario Grech fit-tieni post u Christian Micallef fit-tielet post.
Filwaqt li t-tbassir tar-rebbieħ tas-serje tal-irġiel seta’ kien kemxejn aktar sempliċi, il-kategorija tan-nisa kienet storja differenti. Kull tiġrija fis-sensiela kellha rebbieħ differenti, bit-tiġrija finali tintrebaħ minn Mona Lisa Camilleri. Zia Fuji u Tara Abdilla, it-tnejn regolari fuq il-podju tas-Serje, ħadu t-tieni u t-tielet post, rispettivament.
Il-prestazzjoni konsistenti ta’ Fuji matul is-serje ra tikseb it-titlu. Fuji kienet waħda mill-iżgħar rebbieħa fl-istorja tas-serje. Fuq il-podju ngħaqdu magħha Tara Abdilla u l-veterana Carmen Hili.
Il-President tal-Club Ray Grech ippreżenta t-trofej lir-rebbieħa ġenerali u tal-gruppi ta’ età, filwaqt li nnota li minkejja li saret fl-eqqel tas-sajf, is-Serje kompliet tattira parteċipanti ġodda kif ukoll veterani, kollha miġbudin għal din it-tellieqa xenika.
L-avveniment atletiku li jmiss ta’ Birkirkara St. Joseph Sports Club huwa l-Malta International Challenge Marathon li se ssir fl-aħħar tmiem il-ġimgħa ta’ Novembru – 22, 23, u 24.
Għal din il-maratona, mifruxa fuq tlett ijiem, wieħed jista jikkompeti fuq livell individwali jew bħala parti minn relay team. Ir-reġistrazzjoni hija miftuħa online fuq https://bsj.mt/event/2024-malta-international-challenge-marathon
