Taylor Swift tgħid li l-kanċellazzjoni tal-kunċerti tagħha fi Vjenna minħabba theddida ta’ attakk imlietha b’“sens kbir ta’ biża’”.
F’post fuq Instagram, hija qalet li ħasset “ċertu sens ta’ ħtija” għax tant nies kienu ppjanaw li jivvjaġġaw għall-ispettakli.
Tliet kunċerti tħassru fil-kapitali Awstrijaka aktar kmieni f’Awwissu hekk kif tliet persuni ġew arrestati b’rabta ma’ attakki li allegatament qed jippjanaw mal-grupp tal-Istat Iżlamiku.
Il-kantanta ta’ 34 sena temmet it-tour fl-Ewropa t-Tlieta f’Wembley Stadium, f’Londra, filwaqt li rringrazzjat lill-Ewropej kollha tas-sapport.
