Rowen Camilleri
BIRKIRKARA…………………………1
ŻABBAR ST. PATRICK……………0
Birkirkara: G. Volpe, A. Sandona, L. Gaitan (M. Hleder 85’), P. Mbong (A. Zammit 80’), K. Zammit, A. Satariano, L. Lacunza, N. Micallef, A. Coppola, M. De Souza, M. Maia
Żabbar SP: M. Grech, J. Micallef, A. Ferreira (M. Barros 58’), W.Bonilha, B. Gambarte (S. Ilic 65’), Z. Grech (S. Gatt 46’), D. Tavares, V. De Paiva, J. Pedro (L. Agius 78’), D. Jovicic, D. Oliviera
Imwissija: N. Micallef 23’, L. Gaitan 84’ (B), V. Paiva 39’, D. Jovicic 46’, D. Tavares 46’, D. Oliveira 90+1’ (Ż)
Skorjaw: M. Maia 45’ pen (B)
Referee: Malcolm Spiteri
Assistenti Referees: Duncan Spencer u Ezekiel Barbara
360 Sports Plejer tal-Logħba: Maxuell Maia (Birkirkara)
In-Nazzjon Plejer tal-Logħba: Maxuell Maia (Birkirkara)
Minkejja partita li ftit offriet emozzjonijiet, Birkriakra kisbu l-ewwel rebħa fil-kampjonat meta minn penatly ta’ Maxuell Maia ħarġu rebbieħa bl-iskor ta’ 1-0.
Żabbar min-naħa l-oħra reġgħu dehru organizzati u kellhom il-mumenti tagħhom madankollu għal darb’oħra ħarġu b’idejhom vojta u minn żewġ logħbiet s’issa għadhom bla punti.
Mal-kwarta logħob kienu Zabbar bl-ewwel xutt lejn il-lasti avversarji meta kien Ferreira li ttanta xortih minn tarf il-kaxxa bil-goalkeeper Taljan ta’ Birkirkara Giacomo Volpe jkollu jdawwar f’korner.
Minuta minn tmiem l-ewwel taqsima Birkirkara ngħataw penalty meta Augusto Ferreira waqqa’ fil-kaxxa lil Leandro Lacunza bis-solitu Maxuell Maia jmur fuq il-ballun u b’xutt b’saħħtu għeleb lil Matthew Grech għal 1-0 u tmiem l-ewwel taqsima bl-Istripes fil-vantaġġ.
Birkirkara ħarġu ħafna aħjar fit-tieni taqsima u mas-siegħa logħob ħarba tajba ta’ Mauell Maia li minkejja li kien issikkat minn Jovicic irnexxielu jiżmarka ruħu u prova xutt minn qagħda komda iżda sab lil Matthew Grech attent li dawwar f’korner. Mill-istess korner reġa’ kien l-attakkant Brażilja li ra d-daqqa ta’ ras tiegħu tgħaddi ftit barra.
Fit-82 minuta Żabbar setgħu ħasdu lil Birkirkara meta l-ewwel xutt ta’ Bonilha kien blukkat mid-difiża Karkaraiża bil-ballun jaqa’ f’saqajn Oliveira fuq il-penalty spot iżda x-xutt tiegħu bid-dawra jkun ċentrali u milqugħ minn Volpe.
Minkejja l-isforzi taż-Żabbarin l-iskor baqa’ ma nbidilx u Birkirkara ħadu l-punti massimi minn dan il-konfront.
