Fit-tieni ġurnata tal-Kampjonat Premier, tispikka l-partita bejn Ħamrun Spartans u Floriana fejn Ħamrun għadhom ġejjin minn rebħa komda ta’ 3-1 fuq Żabbar St. Patrick, fejn għal din il-partita se jkunu wkoll mingħajr il-captain Steve Borg. Floriana minn naħa l-oħra, bidu negattiv għall-Kampjonat hekk kif kisbu biss punt fi draw ta’ 3-3 kontra Melita.
Jispikka wkoll fi tmiem il-ġimgħa id-derby bejn Naxxar Lions u Mosta. Iż-żewġ timijiet se jkunu qed ifittxu li jiksbu l-punti minn din il-partita hekk kif tilfu l-ewwel partita tagħhom kontra Hibernians u Sliema Wanderers rispettivament.
Hibernians jilagħbu kontra Gżira United, żewġ timijiet li bdew il-kampjonat b’rebħiet pożittivi kontra Naxxar Lions u Marsaxlokk.
Partita oħra interessanti tkun dik bejn Sliema Wanderers u Balzan. Sliema kisbu rebħa ta’ 2-0 fuq Mosta filwaqt li Balzan fl-ewwel partita tal-istaġun temmew fi draw drammatiku ta’ 3-3 kontra Birkirkara.
Is-Sibt filgħaxija, Marsxlokk se jkunu qed jittamaw li jwettqu reazzjoni mit-telfu kontra Gżira meta jilagħbu kontra Melita li minn naħa tagħhom se jkollhom il-moral għoli wara draw mhux mistenni kontra Floriana.
Birkirkara se jkunu qed jittamaw li jkomplu mal-bidu pożittiv tagħhom meta jilagħbu kontra Żabbar St. Patrick
360 Sports Malta Premier
Illum
Stadium Nazzjonali
Naxxar L. v Mosta 6.00pm
Birkirkara v Żabbar St. Patrick 8.15pm
Għada
Stadium Nazzjonali
Ħamrun S. v Floriana 6.00pm
M’Xlokk v Melita 8.15pm
Il-Ħadd
Tony Bezzina Stadium
Hibernians v Gżira U. 6.00pm
Sliema W. v Balzan 8.15pm
