Andrè Muscat
NAXXAR LIONS………….. 2
MOSTA………………………… 1
Naxxar Lions : M. Debono, P. Gualberto De Assis, T. Yamaguchi (N. Micallef 90’), N. Pace Cocks, F. Lima (Y. Ito 86’), E. Farias (G. Barbosa 69’), R. Gilmour Cassar, S. Nascimento Dias, W. Garcia, F. Barbosa, D. Jackson
Mosta : S. Mintoff, T. Shedrack (J. Babatola 65’) (S. Chiemezie 83’), L. Sousa, G. Goncalves, C. Failla (R. Caruana 90’), M. Pires, V. De Souza, J. Vassallo, Z. Brincat, F. Gomes, L. Joaquim (A. Jerry 46’)
Imwissija: P. Gualberto De Assis 19’ (NL), T. Shedrack 35’ (M), R. Gilmour Cassar 46’ (NL), C. Failla 46’ (M), G. Barbosa 82’ (NL)
Skorjaw: T. Yamaguchi 33’ (NL), C. Failla 75’ pen (M), N. Pace Cocks 82’ (NL)
Referee: Slobodan Petrovic
Assistenti Referees: Jurgen Spiteri u Paul Apap
360 Sports Plejer tal-Logħba: Takuma Yamaguchi (Naxxar Lions)
In-Nazzjon Plejer tal-logħba: Takuma Yamaguchi (Naxxar Lions)
Fl-Istadium Nazzjonali f’Ta’ Qali assistejna għad-derby tant mistenni fit-Tramuntana ta’ Malta bejn Naxxar Lions u Mosta. Kien derby mill-isbaħ u kumbattut sal-aħħar sekondi tal-partita, bit-3 punti jmorru għand il-Lions.
Mosta joħorġu fuq l-offensiv, hekk kif fl-ewwel minuta tal-partita cross minn fuq ix-xellug issib lill-captain Mosti Zachary Brincat li nterċetta’ lid-difiża Naxxarija, iżda jsib lil Debono attent biex bla problemi jsalva d-daqqa tar-ras tal-istess Brincat.
Il-Lions jolqtu l-lasta fis-6 minuta, kien il-Ġappuniż tagħhom Yamaguchi li prova xutt b’saħtu bid-dawra minn barra l-kaxxa l-kbira, b’Mintoff megħlub il-ballun jistampa mal-wieqfa biex l-iskor baqa’ ma nfettaħx.
Jerġaw ikunu l-Mostin viċin li jiftħu l-iskor, kien fit-13-il minuta li xutt tal-Brażiljan Goncalves minn barra l-kaxxa jagħdi ftit barra mill-wieqfa ta’ Mattias Debono.
Fit-23 minuta Naxxar Lions jkunu viċin jiftħu l-iskor għat-tieni darba fil-partita, throw-in mill-lemin lejn Jackson Degran, b’kontrol stupend iniżżel il-ballun bl-attakant Naxxari jittanta xortih b’xutt bil-ballun jagħdi ftit barra mill-lasti ta’ Mintoff.
Il-Lions jiftħu l-iskor fit-33 minuta, azzjoni mill-isbaħ bejn Yamaguchi u Garcia, kien il-Ġappuniż li għadha l-ballun mal-linja xellugija lill-Brażiljan Garcia, b’dan tal-aħħar jitfa’ cross għan-nofs bil-ballun jagħdi minn bejn id-difensur Mosti u minn taħt idejn Sean Mintoff, b’hekk approfita tajjeb Takuma Yamaguci u waħdu quddiem lasta vojta ma żbaljax biex tefa’ l-ballun fix-xibka u lin-Naxxarin fil-vantaġġ.
Garcia prova jagħmilhom 2-0 għan-Naxxar fil-41 minuta, kien De Almeida b’ħarba personali li qasam lejn il-kompatrijot tiegħu il-Brażiljan l-ieħor Garcia, b’dan tal-aħħar minn distanza konsederevoli jfajjar xutt li kien wisq ċentrali b’Mintoff isalva bl-ebda diffikulta’.
B’taqsima mill-aktar bilanċjata bin-Naxxarin naqra aħjar mill-Mostin, mat-tisfira tat-tmiem l-ewwel taqsima ta’ Petrovic kienu il-Lions li daħlu jistrieħu b’vantaġġ minimum ta’ 1-0.
Tasal l-ewwel azzjoni tat-tieni taqsima, fid-49 minuta Clayton Failla jagħdi l-ballun lejn D Silva Sousa, bil-Brażiljan mil-lemin jipprova xutt bid-dawra bil-ballun jagħdi ftit barra mill-lasti ta’ Debono.
Azzjoni perikoluża oħra għan-Naxxarin fit-53 minuta , jerġa’ jkun Garcia li mix-xellug jagħdi l-ballun fin-nofs lejn il-Ġappuniż ta’ Naxxar Lions Yamaguchi b’dan tal-aħħar ifalli l-mira tiegħu u jitfa’ għoli mill-lasti Mostin.
Kien Matthias Debono fil-55 minuta li żamm lil Lions fil-vantaġġ wara azzjoni personali ta’ Da Silva Sousa, bil-Brażiljan jipprova xortih bil-goalkeeper Naxxari b’diffikulta jdawara ix-xutt f’corner.
Mosta jingħataw penalty fl-74 minuta meta mill-lemin cross tal-captain Mosti Zachary Brincat spiċċa jaħbat ma’ id Garcia ta’ Naxxar Lions, bir-referee Slobodan Petrovic isaffar għall-penalty. Kien il-veteran Clayton Failla li nkarigga ruħu mill-11-il metru, li mingħajr wisq diffikulta tefa’ l-ballun fix-xibka biex għamel l-iskor indaqs.
Naxxar viċin li jerġaw imoru fil-vantaġġ fid-79 minuta, meta freekick dirett mix-xellug Garcia jara x-xutt tiegħu salvat b’diffikulta u mdawar f’corner mill-goalkeeper Mosti Sean Mintoff.
Il-Lions jerġaw idawru r-riżultat favur tagħhom, mil-lemin il-Ġappuniż Yamaguchi jitfa’ cross għan-nofs bil-goalkeeper Mintoff jonqos milli jbiegħed il-periklu bil-ballun jispiċċa f’saqajn Neil Pace Cocks, b’dan tal-aħħar ifajjar xutt minn taħt il-lasta biex ma jiżbaljax u jagħmel l-iskor 2-1 favur in-Naxxar.
Fis-86 minuta Naxxar viċin li jkabbru l-iskor, meta kien Degran li mill-lemin avanza bil-Ġamajkan ifajjar xutt bil-ballun jistampa mal-minduda.
Jasal l-aħħar ċans għall-Mostin 5 minuti fuq il-ħin regolamentari, freekick dirett mill-lemin ta’ Goncalves jagħdi ftit għoli mill-lasti ta’ Debono.
Eżatt mal-aħħar azzjoni ta’ Mosta r-referee Petrovic jsaffar it-tisfira finali ta’ din il-parita, fejn rajna partit mill-aktar bilanċjat bin-Naxxarin ikunu aħjar mill-Mostin b’hekk ħadu t-tlett punti magħhom lejn in-Naxxar u rebħu d-derby tat-Tramuntana.
It-Team Manager ta’ Naxxar Lions Omar Borg flimkien mal-iskorer Neil Pace Cocks (Ritratt: Catriel Farrugia)
(Ritratt: Catriel Farrugia)
