Rowen Camilleri
ĦAMRUN SPARTANS……….1
FLORIANA……………………….1
Ħamrun S: H. Bonello, S. Xerri, L. Montebello, L. Tailison (J. Corbalan 72’), J. Mbong, R. Prsa, E. Freitas (B. Ederson 46’), W. Barros (Vitao 82’), M. Mayron, R. Camenzuli, R. Lopes
Floriana: C. Mafoumbi, O. El Hasni, M. Veselji, J. Rech, Thiaguinho (A. Garcia 59’), D. Vella, M. Garcia, C. Z. Lonardelli, F. Sasere, A. Kouros, Fernandinho
Imwissija: O. El Hasni 9’, C. Mafoumbi 23’, Fernandinho 24’, M. Veselji 29’ (F), Tailison 43’, J. Mbong 68’ (Ħ)
Tkeċċa: M. Veselji 53’ (F)
Skorjaw: D. Vella 3’(F), L. Montebello 24’ pen (Ħ)
Referee: Alex Johnson
Assistenti Referees: James Muscat u Mitchell Scerri
360 Sports Plejer tal-Logħba: Dunstan Vella (Floriana)
Il-Mument Plejer tal-Logħba: Matias Garcia (Floriana)
L-ebda rebbieħ fil-logħba tal-ġimgħa, bejn ir-rivali Ħamrun Spartans u Floriana, hekk kif iż-żewġ timijiet kellhom jikkuntentaw bi draw ta’ 1-1. Bla dubju li b’dan id-draw l-aktar li kienu kuntenti kienu Floriana minħabba li għal kważi taqsima sħiħa lagħbu b’raġel inqas meta tkeċċa għalihom Mattia Veselji għat-tieni karta safra.
Floriana marru minn fuq wara biss 3 minuti minn azzjoni mibdija minn Mattia Veselji li għadda lejn Jake Grech, bl-eks Ħamrun bit-takkuna jwaqqa’ lil Dunstan Vella li b’xutt mill-isbaħ għeleb lil Bonello għall-vantaġġ bikri.
Ħamrun ftit ħadu ħin biex reġgħu sabu sieqhom u fit-13-il minuta pass tajjeb ta’ Montebello lejn Talison, bil-Brażiljan jipprova minn qagħda angolata iżda l-ballun jgħaddi ftit barra.
Fl-24 minuta Ħamrun jingħataw penalty meta Joseph Mbong twaqqa’ fil-kaxxa mill-goalkeeper Christoffer Mafoumbi, bir-referee Alex Johnson isaffar il-penalty minkejja l-protesti tal-plejers Furjaniżi. Mill-11-il metru kien l-aqwa skorer tal-kampjonat l-istaġun li għadda Luke Montebello li bil-kalma kollha tefa’ l-ballun naħa u lil Mafoumbi n-naħa l-oħra.
Ċans ieħor tad-deheb għal Floriana man-nofs siegħa logħob meta Veselji għadda lejn Fernandinho li żmarkat għal kollox daħal fil-kaxxa u prova x-xutt li b’diffikultà kien imdawwar f’korner minn Bonello.
L-iskor sa tmiem l-ewwel taqsima ma nbidilx biż-żewġ timijiet jidħlu jistrieħu fi draw ta’ 1-1.
Daqqa ta’ ħarta għal Floriana ftit wara l-bidu tat-tieni taqsima meta Mattia Veselji ngħata t-tieni karta safra u ħalla lill-Greens b’10 plejers.
Minkejje l-pressjoni ta’ Ħamrun, Floriana baqgħu organizzati u rnexxilhom iżommu l-partita fi draw, it-tieni wieħed konsekuttiv għalihom dan l-istaġun.
