Neil Camenzuli
HIBERNIANS …………………………….2
GŻIRA UNITED ………………………..0
Hibernians: H.Sacco, K.Basillo, K.Shaw, K.Fraga, B.Kristensen (J.Portelli 90’), D.Xuereb, F.Falcone, A.De Souza Silva (A.Attard 80’), G.Bastianos (G.Bastianos 80’), P.Nunes, H.Alves
Gżira U: D.Zarkov, J.Minala, E.Pepe, T.Aldama, Z.Scerri (A.De Paixao 75’), M.Dias, F.Hassany (A.Borg 75’), S.Christian, F.Zuniga, K.Tulimieri (J.Pisani 55’), T.Espindola (M.De Pilippis 85’)
Imwissija: K.Fraga 41’, P.Nunes 75’, H.Alves 90’ (H), T.Aldama 45’, E.Pepe 51’, J.Minala 83’ (G)
Skorjaw: G.Bastianos 68’, I.Chukunyere 85’ (H)
Referee: Ishmael Barbara
Assistenti Referees: Roberto Vella u Duncan Spencer
Hibernians kisbu t-tieni rebħa dan l-istaġun minn żewġ partiti hekk kif għelbu lil Gżira United 2-0 biż-żewġ gowls jaslu fit-tieni taqsima.
Iż-żewġ timijiet kellhom l-azzjonijiet perikolużi tagħhom fl-ewwel taqsima, bil-Pawlisti jolqtu l-lasti fuq żewġ okkażjonijiet differenti fit-tieni taqsima.
L-ewwel azzjoni tal-partita waslet għal Hibernians wara biss 5 minuti logħob meta korner ta’ Bastianos isib lil Fraga waħdu li tefa’ il-ballun barra, ftit sekondi wara Tulimieiri għal Gżira ukoll ma jirnexxielux isib ix-xibka u jitfa’ barra.
Gżira rrispondew fid-19-il minuta meta Faysal Chouaib xeħet barra id-distanza.
Fit-tieni taqsima, il-Pawlisti ħarġu fuq l-attakk u kienu żvinturati li ma sabux ix-xibka meta Giannis Bastianos laqat il-minduda b’freekick mil-lemin, b’ Xuereb jipprova jiskorja t-tieni ballun pero jfalli.
Hibernians ħadu l-vantaġġ fid-69 minuta permezz tal-istess GIANNIS BASTIANOS li għeleb lil Zarkov b’konklużjoni mill-isbaħ.
Il-Maroons kellhom okkażjoni eċċelenti biex jagħmlu l-iskor indaqs fid-79 minuta meta ngħataw penalty minħabba l-foul kommess minn Gabriel fuq Pisani. L-eks midfielder ta’ Sliema u Lazio Joseph Minala nkariga ruħu mill-penalty madankollu l-goalkeeper Sacco ntervjena.
5 minuti qabel tmiem il-partita, is-sostitut li ssostitwixxa l-iskorer, ISIAH CHUKUNYERE sab ix-xibka meta qabeż lil Darkov u ż-żagħżugħ jikkonkludi bil-kalma.
Kevin Tulimieri ippressat mill-plejers ta’ Hibernians (Ritratt: EPA)
