Siti Sqallin qed jirrapportaw li żewġ Maltin jinsabu fil-periklu tal-mewt wara ħabta bejn mutur u karozza fi triq bejn Ragusa u Modica, fi Sqallija.
Jidher li l-Maltin kienu fuq vaganza meta għal xi raġuni ħabtu bil-mutur li kienu qed isuqu ma’ Fiat Panda misjuqa minn raġel ta’ 57 sena residenti Modica. L-inċident seħħ għall-ħabta tal-5pm.
It-tliet persuni ttieħdu fl-Isptar Giovanni Paolo II, f’Ragusa. Il-Maltin jinsabu f’qagħda kritika filwaqt li l-persuna l-oħra sofriet minn xi ġrieħi ħfief.
Il-Pulizija qed tinvestiga dan l-inċident.
