Il-para għawwiema Maltija Maja Theuma ddebuttat fil-Paralimpjadi ta’ Pariġi meta kkompetiet fil-heats tal-50 metru freestyle fil-La Defense Arena.
Theuma kisbet ħin ta’ minuta 13.10 sekondi u temmet fl-aħħar post fil-heat tagħha. Il-heat intrebħet miċ-Ċiniża Yuyan Jiang li kisbet ħin ta’ 32.70 sekonda.
Għal Maja Theuma dan kien l-unika avveniment li se tikkompeti fih matul dawn il-Paralimpjadi. Intant Team Malta se jerġa jkun fl-azzjoni nhar il-Ħadd meta Antonio Flores se jikkompeti fil-heats tal-100 metru tal-para atletika.
