Anzjana ta’ 61 sena, residenti Ħ’Attard, tinsab fil-periklu tal-mewt wara inċident bir-rota.
L-inċident seħħ għall-ħabta tal-10am fi Triq il-Għenba, f’Ħ’Attard.
Meta l-Pulizija ġiet infurmata li kien hemm persuna li ġarrbet xi ġrieħi kawża ta’ inċident tat-traffiku, minnufih marru fuq il-post u mill-ewwel investigazzjonijiet irriżulta li waqt li l-mara kienet qed issuq r-rota, ħabtet ma’ karozza li kienet ipparkjata.
L-anzjana ngħatat l-għajnuna minn tim mediku u ttieħdet l-Isptar Mater Dei b’ambulanza. Aktar
tard kienet iċċertifikata bi ġrieħi serji.
L-investigazzjonijiet tal-Pulizija dwar dan l-inċident għadhom għaddejjin.
